News Portal

  • राजिनामा पत्र बोकेर नेपाल समूहका सांसदहरु सिंहदरबारमा, रोक्ने ओलीको अन्तिम प्रयास

    डबली संवाददाता२०७८ बैशाख २६ गते
    १६० पटक

    काठमाडौं । नेकपा (एमाले) वरिष्ठ नेता माधवकुमार नेपाल समूहका सांसदहरु राजिनामा पत्र बोकेर सिंहदरबारस्थित संसद् सचिवालयमा पुगेका छन् । केही बेरअघि मात्रै राजिनामाबारे नेपाल समूहको भर्चुअल बैठक सकिएको थियो ।

    नेता नेपालसहित योगेश भट्टराई र सोमप्रसाद पाण्डे, जीवनराम श्रेष्ठ, मेटमणी चौधरी, पवित्रा निरौला लगायत सांसदहरु राजिनामा पत्र बोकेर संसद् सचिवालयमा पुगिसकेका छन् । राजिनामा पत्रमा कति जनाको नाम छ भन्नेबारे यकिन हुन सकेको छैन । नेपाल समूहका प्रत्यक्षतर्फका २२ सांसदले राजिनामा दिएको अनुमान गरिएको छ ।

    तर, नेपाली काँग्रेसका सभापति शेरबहादुर देउवासँग भेटवार्ताम नेता नेपालले आफूसँग पत्यक्षतर्फका २५ सांसद रहेको बताएका थिए । भोलि प्रधानमन्त्री केपी शर्मा ओलीले प्रस्ताव गरेको विश्वासको मतलाई असफल बनाउन नेपाल समूहका सांसदहरुले सामुहिक राजिनामा दिन लागेका हुन् ।

    पार्टी अध्यक्ष तथा प्रधानमन्त्री केपी शर्मा ओली अन्तिममा आएर एकता जोगाउन भन्दै विश्वास पात्रलाई छलफलको लागि पठाएका छन् । राजिनामा दिन सिंहदरबार पुगेका नेता नेपाललाई भेट्न ओली समूहका नेता विष्णु पौडेल र सुवास नेम्वाङ पनि त्यही पुगेका छन् । ओलीको सन्देश भन्दै राजिनामा नदिन आग्रह गरेको बताइएको छ ।

    भेटवार्ता भएको फोटो संचारमाध्यमहरुमा सार्वजनिक भएको छ । जनता समाजवादी पार्टीले ओलीलाई मत दिन नसक्ने निर्णय सुनाएपछि ओली नेपाल समूहलाई फकाउन लागेको बताइएको छ ।

    ओली समूहका दोस्रो तहका नेताहरुसँग भएको छलफलमा नेपाल समूहले फागुन २८ गते र त्यसपछि बालुवाटारमा बसेका बैठकहरुले गरेका निर्णय खारेज गर्नुपर्ने आफ्नो बटमलाइन रहेको स्पष्ट पारेको थियो । उक्त मागप्रति ओली सकारात्मक नभएपछि नेपाल समूह राजिनामाको बाटो समातेको हो ।

    ओलीले फागुन २८ मा आफू निकट नेताहरुको भेला गरेर पार्टी विधान संशोधन गर्दै नेपाललगायतका नेताहरूको जिम्मेवारीबाट हटाउँदै निष्काशान गरेका थिए । ओलीले संसद्मा निर्वाचित नेपालसहित तीसजनालाई स्पस्टीकरण सोधेर कारबाहीको तयारीसमेत गरेका छन् ।

    प्रतिकृया दिनुहोस्