News Portal

  • गण्डकी र सुदूरपश्चिम प्रदेश प्रमुखले लिए शपथ

    डबली संवाददाता२०७८ बैशाख २० गते
    २९ पटक

    काठमाडौं । गण्डकी र सुदूरपश्चिम प्रदेशका नवनियुक्त प्रदेश प्रमुखहरुले पद तथा गोपनीयताको सपथ ग्रहण गरेका छन् । गण्डकी र सुदूरपश्चिम प्रदेशमा नियुक्त भएका सीताकुमारी पौडेल र गंगाप्रसाद यादवलाई आइतबार राष्ट्रपति विद्यादेवी भण्डारी पद तथा गोपनीयताको सपथ खुवाएकी हुन् ।

    सरकारको सिफारिसमा सोमबार नियुक्त भएका पौडेल र यादवलाई राष्ट्रपति भण्डारीले नियुक्त गरेकी थिइन् । उनीहरुले नेपालको संविधानको धारा १६७ बमोजिम पौडेल र यादवले पद तथा गोपनीयताको शपथ ग्रहण गरेका हुन् ।

    राष्ट्रपति भण्डारीले आजै गण्डकी प्रदेशका प्रमुख अमिक शेरचन र सुदूरपश्चिम प्रदेशका प्रमुख सर्मीलाकुमारी पन्तलाई पदमुक्त गरेकी थिइन् ।

    केही दिनदेखि गण्डकी प्रदेशमा सरकार गठनमा लफडा भइरहेको थियो । प्रदेश प्रमुख माओवादी नेता अमिक शेरचन थिए । उनले आफूलाई सरकार गठनमा असहयोग गरेको मुख्यमन्त्री पृथ्वीसुब्बा गुरुङले आरोप लगाउँदै आएका थिए ।

    त्यसैगरी सुदूरपश्चिम प्रदेश प्रमुख सर्मिला पनि माओवादी निकट भएकैले पदमुक्त गरिएको बताइएको छ ।

    प्रतिकृया दिनुहोस्