News Portal

  • मुक्त कमैया आन्दोलनकी नेतृ तथा संविधानसभा सदस्य रबनी चौधरीको कोरोनाबाट निधन

    डबली संवाददाता२०७८ बैशाख १९ गते
    १५९ पटक

    धनगढी । कोरोना भाइरस संक्रमणबाट मुक्त कमैया आन्दोलनकी एक जुझारु नेतृ रबनी चौधरीको निधन भएको छ । कैलालीको लम्की चुहा नगरपालिका – ६ बाघमारा निबासी चौधरी संविधानसभा सदस्य समेत हुन् । पारिवारिक स्रोतका अनुसार चौधरीको उपचारको क्रममा आइतबार निधन भएको हो ।

    त्यसैगरी पोखरामा कोरोना संक्रमणबाट थप ८ जनाको ज्यान गएको छ । जसमध्ये ७ जना उपचारको क्रममा र एक जना होम आइसोलेसनमा बसेका थिए । गण्डकी प्रदेश स्वास्थ्य निर्देशक डा. विनोदबिन्दु शर्माका अनुसार पोखरा महानगरपालिका–१६ का ७७ वर्षीय संक्रमित पुरुषको होम आइसोलेसनमा ज्यान गएको छ । उनमा बैशाख १६ गते कोरोना पुष्टि भएको थियो ।

    यस्तै ७५ वर्षीय कोरोना संक्रमित पुरुषको मेडिप्लस अस्पतालमा उपचारको क्रममा निधन भएको छ । रुपन्देही जिल्ला बुटवल उपमहानगरपालिका–३ का उनलाई बैशाख ९ गते कोरोना संक्रमण पुष्टि भएको थियो । पोखरा महानगरपालिका–२६ की ५८ वर्षीय महिलाको शनिबार मणिपाल शिक्षण अस्पतालमा उपचारको क्रममा निधन भएको छ । उनमा बैशाख १५ गते कोरोना संक्रमण पुष्टि भएको थियो ।

    पर्वत कुश्मा नगरपालिका–५ की ७६ वर्षीय महिलाको गण्डकी मेडिकल कलेजमा उपचारको क्रममा निधन भएको भएको छ । उनलाई बैशाख १७ गते संक्रमण पुष्टि भएको थियो । दाङ जिल्लाको राप्ती गाँउपालिका–५ का ४३ वर्षीय संक्रमित पुरुषको शनिबार बिहान गण्डकी मेडिकल कलेजमा उपचारको क्रममा ज्यान गएको छ । उनमा बैशाख १५ गते संक्रमण पुष्टि भएको थियो ।

    त्यसैगरी पोखरा –१६ की ७३ वर्षीय महिलाको मेडिप्लस अस्पतालमा उपचारका क्रममा ज्यान गएको छ । उनलाई बैशाख १६ गते संक्रमण पुष्टि भएको थियो ।

    पोखरा –१० की कोरोना महिलाको मेडिप्लस अस्पताल पोखरामा उपचारको क्रममा निधन भएको भएको छ । उनमा बैशाख १६ गते संक्रमण पुष्टि भएको थियो ।

    त्यसैगरी पोखरा–१९ का ५४ वर्षीय पुरुषको पनि गण्डकी मेडिकल कलेजमा उपचारका क्रममा निधन भएको छ । योसँगै गण्डकी प्रदेशमा हालसम्म कोरोना संक्रमणबाट २ सय ३१ जनाको ज्यान गइसकेको छ ।

    कोरोना भाइरस संक्रमणको दोस्रो हटस्पट बनेको बाँकेमा थप दुई जनाको निधन भइको छ । बाँकेका कोरोना फोकल पर्सन तेज ओलीका अनुसार होमआइसोलेसनमा बसेकी एक महिलासहित दुई जना संक्रमितको निधन भएको हो ।

    होम आइसोलेसनमा बसेकी कोहलपुर नगरपालिका–२ की ६९ वर्षीया महिलाको आइतबार बिहान ज्यान गएको थियो । उनीमा वैशाख १५ गते संक्रमण पुष्टि भएको थियो । संक्रमण पुष्टि भएपनि होम आइसोलेसनमा बस्दै आएकी थिइन् । आइतबार बिहान स्वास्थ्यमा थप समस्या आएपछि अस्पताल ल्याउने तयारी गर्दा गर्दै घरमै उनको निधन भएको बताइएको छ ।

    बैजनाथ गाउँपालिका–७ की ५८ वर्षीया महिलाको नेपालगञ्जस्थि नर्सिङ होममा निधन भएको छ । उनीमा वैशाख ७ गते संक्रमण पुष्टि भएको थियो ।

    प्रतिकृया दिनुहोस्