News Portal

  • लुम्बिनी प्रदेशमा जसपाको सरकारलाई साथ, अविश्वास प्रस्तावमा हस्ताक्षर गर्ने चारजना मन्त्रीमा नियुक्त

    डबली संवाददाता२०७८ बैशाख ६ गते
    ५३ पटक

    काठमाडौं । लुम्बिनी प्रदेशका मुख्यमन्त्री शंकर पोखरेलबिरुद्ध अबिश्वस प्रस्तावमा फेल हुने भएको छ । अविश्वास प्रस्तावमा हस्ताक्षर गरेका जनता समाजवादीका सांसदहरु मन्त्रीमा नियुक्त भएसँगै यो अवस्था आएको हो ।

    जसपाका केन्द्रीय नेताहरुले सरकारलाई साथ दिन निर्देशन गरेसँगै अविश्वास प्रस्तावमा हस्ताक्षर गरेकामध्ये बिजय यादव सन्तोष पाण्डे र कल्पना पाण्डे र सुमन रायमाझी मन्त्री बन्ने भएका छन् ।

    तीन जना मन्त्री र एकजना राज्यमन्त्रीमा नियुक्त भएका छन् । उनहरुलाई आज साँझै शपथ खुवाउने तयारी भइरहेको छ ।

    मुख्यमन्त्री पोखरेलविरुद्ध अबिश्वास प्रस्ताव दर्ता गरेको दुइघण्टा नबित्दै जसपाका सांसदहरु सरकारमा सहभागी भएका हुन् । अविश्वास दर्तासँगै माओवादी केन्द्रले समर्थन फिर्ता लिदै दुई जना मन्त्रीले राजिनामा दिएका थिए ।

    विहान नेपाली काँग्रेस, माओवादी केन्द्र र जसपाका नेताहरुबीच अविश्वास प्रस्ताव दर्ता गर्ने सहमति भएको थियो । सो सहमतिसँगै माओवादी केन्द्रका दुइजना मन्त्रीले राजिनामा दिएका थिए ।

    मुख्यमन्त्री पोखरेलले रिक्त रहेका आन्तरिक मामिला तथा कानुन मन्त्रालय र सामाजिक बिकास मन्त्रालय र अन्य दुई मन्त्रालयमा नयाँ मन्त्री नियुक्ति गरेका हुन् ।

    सरकार टिकाउन मुख्यमन्त्री पोखरेलले सामाजिक बिकास मन्त्रालय बिभाजन गर्ने तयारी गरेका छन् । जसपालाई चार मन्त्रालय दिनुपर्ने भएकोले मन्त्रालय विभाजन गर्न लागिएको हो ।

    प्रतिकृया दिनुहोस्