काठमाडौं । आज प्रतिनिधिसभाको बैठक बस्दैछ । दिउँसो १ बजे बस्ने बैठकमा नेपाली कांग्रेसका केन्द्रीय सदस्य तथा पूर्वमन्त्री नवीन्द्रराज जोशीको निधनमा शोक प्रस्ताव पेश गर्ने कार्यसूची रहेको छ ।
यस्तै कांग्रेसबाट तत्कालीन संविधान सभामा सांसद रहेकी लक्ष्मीदेवी भण्डारीको निधनप्रति पनि शोक प्रस्ताव पेश गरिने भएको छ । यससँगै साथै विभिन्न वार्षिक प्रतिवेदनहरू पेश गर्ने कार्यसूची छन् ।
संघीय संसद सचिवालयका अनुसार विभिन्न समितिका सभापतिले वार्षिक प्रतिवेदन पेश गर्ने कार्यसूची तय भएको छ । सर्वोच्च अदालतले प्रतिनिधिसभा पुनर्स्थापनासँगै बसेको प्रतिनिधिसभा बैठक कामविहीन बनेको छ ।
सरकारले संसद् बैठकलाई कामविहीन बनाएको विपक्षीहरुले आरोप लगाएका छन् । संसद् बैठक कार्यसूचीमा प्रवेश गर्न नपाउँदै विरोध र बहिस्कार हुँदै आएको थियो ।
