काठमाडौं । नेकपा (एमाले)को विवाद झन बढेर जाने देखिएको छ । अध्यक्ष तथा प्रधानमन्त्री केपी शर्मा ओलीले माधव कुमार नेपाल समूहसँग गरेको छलफलमा सहमति नजुट्न नसक्दा भेला नरोकिने भएको छ ।
सोमबार पार्टी कार्यालय धुम्बाराहीमा दुबै समूहको छलफल निष्कर्षविहीन भएपछि नेपाल समूहले बोलाएको कार्यकर्ता भेला नरोक्ने भएको छ । त्यस्तै प्रधानमन्त्री ओलीले भोलि विहान बोलाएको चियापानमा भने नजाने निर्णय पनि गरेको छ ।
एक नेताका अनुसार ओली पूर्ववत अवस्थामा फर्किन नमानेपछि छलफल निष्कर्षविहीन भएको थियो । नेपाल समूहका नेताहरुको वानेश्वरको एक होटलमा भएको बैठकले भेला नरोक्ने र चियापानमा पनि नजाने निर्णय गरेको हो । नेपाल समूहले आफ्ना कार्यकर्ताहरुलाई ओलीले बोलाएको चियापानमा नजान समेत निर्देशन दिएको छ ।
नेपाल समूहले शनिबार चैत ४ र ५ गते तय गरेको राष्ट्रिय कार्यकर्ता भेला बोलाएको छ । नेता भीम रावलले ओलीले गरेका कुनै निर्णयबाट पछि नहट्ने अडान राखेकोले भेला पनि रोक्ने निर्णय गरेको बताए । ओलीसँगको छलफल जारी रहेपनि भेला नरोक्ने सो समूहले निर्णय गरेको छ ।
झण्डै चार महिनापछि ओली र नेपालसँगै बसेर छलफलमा बसेका थिए ।
