News Portal

  • प्रधानमन्त्री ओली र विप्लवले आज एउटै मंचबाट सम्बोधन गर्दैै

    डबली संवाददाता२०७७ फागुन २१ गते
    १०१ पटक

    काठमाडौँ । सरकार र नेपाल कम्युनिस्टा पार्टीबीच भएको तीन बुँदे सम्झौता आज सार्वजनिक गर्ने कार्यक्रम तय भएको छ । सरकार र नेकपाबीच तीन चरणसम्मको वार्ताबाट भएको सहमति सार्वजनिक गर्न विशेष कार्यक्रमको तय भएको हो ।

    तीन बुँदे सहमतिलाई प्रधानमन्त्री केपी शर्मा ओली र नेकपाका महासचिव विप्लवले एउटै मंचबाट सार्वजनिक गर्ने भएका छन् । राष्ट्रिय सभागृहमा आयोजना गरिएको विशेष कार्यक्रमलाई ओली र विप्लवले सम्बोधन समेत गर्ने भएका छन् ।

    नेकपाले आफ्ना सबै राजनीतिक गतिविधि शान्तिपूर्ण रुपमा संचालन गर्ने, सरकारले लगाएको प्रतिबन्ध फुकुवा गर्ने, समस्याका समाधान संवाद र छलफलबाट खोजिने र सरकारले नेकपका नेता कार्यकर्तालाई रिहाई गर्ने सहमति भएको थियो ।

    सहमति अनुसार नेकपाका महासचिव सार्वजनिक भएर विशेष सम्बोधन गर्दैछन् भने सरकारले आजबाट बन्दी रिहाईको प्रक्रिया सुरु गरेको छ । हिजो साँझ बसेको मन्त्रिपरिषद् बैठकले प्रतिबन्ध फुकुवा गरिसकेको छ भने हिरासतमा रहेका नेता कार्यकर्ता छोड्न सरकारले देशभरका प्रमुख जिल्ला अधिकारीलाई सर्कुलर गरिसकेको छ ।

    प्रतिकृया दिनुहोस्