काठमाडौं । मोहन वैद्य ‘किरण’ नेतृत्वको ने.क.पा. (क्रान्तिकारी–माओवादी), विप्लव’ नेतृत्वको नेपाल कम्युनिस्ट पार्टीसहित चार पार्टीले आज इटहरीमा विशाल जनसभा गर्न लागेका छन् । चार पार्टीको रकणनैतिक संयुक्त मोर्चाले गर्न लागेको जनसभालाई चारै पार्टीका शिर्ष नेताहरुले सम्बोधन गर्ने बताइएको छ ।

मोर्चामा ऋषिराम कट्टेल नेतृत्वको नेपाल कम्युनिस्ट पार्टी र विश्वभक्त दुलाल नेतृत्वको वैज्ञानिक समाजवादी पार्टी पनि सहभागी छन् । चारै पार्टीले माघ २८ गते काठमाडौँमा रणनीतिक संयुक्त मोर्चाको घोषणा गरेका थिए । काठमाडौंको कमलादीस्थित प्रज्ञा भवनमा घोषणा गर्दै नेतााहरुले मोर्चाका थप कार्यक्रम पनि सार्वजिनक गरेका थिए ।

मोर्चाले यसअघि बुटवल र धनगढीमा जनसभा सम्पन्न गरिसकेको छ । दुबै कार्यक्रममा सर्वसाधारणको उल्लेख्य सहभागीता देखिएको थियो । बुटवलको कार्यक्रमलाई सम्बोधन गरी फर्किँदै गर्दा नेकपाका नेता भेषराज भुसाललाई प्रहरीले गिर फ्तार गरेको थियो ।

आजको जनसभामा पनि ठूलो सहभागिता हुने आयोजक मोर्चाले दाबी गरेको छ । सभालाई सम्बोधन गर्न नेताहरु विहानै इटहरी पुगिसकेका छन् ।

• फाइल फोटो