News Portal

  • लिखित जवाफसहित सर्वोच्च अदालत पुगे प्रचण्ड

    डबली संवाददाता२०७७ फागुन १६ गते
    १०४ पटक

    काठमाडौं । नेपाल कम्युनिस्ट पार्टी (नेकपा) प्रचण्ड–माधव समूहका प्रचण्ड लिखित जवाफसहित सर्वोच्च अदालत पुगेका छन् । आफूविरुद्ध  अवहेलना मुद्दाको जवाफ बोकेर प्रचण्ड आइतबार दिउँसो सर्वोच्च अदालत पुगेका हुन् ।

    संसद् विघटनविरुद्धको सडक आन्दोलनमा अदालतको मानहानी हुने गरी अभिव्यक्ति दिएको भन्दै प्रचण्डविरुद्ध रिट दायर भएको थियो ।  अधिवक्ता समिर हायुले दायर गरेको रिटमाथि सुनुवाई गर्दै सर्वोच्चका न्यायाधीश मनोजकुमार शर्माको एकल इजलासले सात दिनभित्र आफैं लिखित जवाफ पेश गर्न प्रचण्डलाई आदेश दिएको थियो । बुधबार गरेको आदेशको लिखित जवाफ बोकेर आज सर्वोच्च अदालत पुगे ।

    प्रचण्डले काठमाडौंको शान्तिवाटिकामा आयोजित सभामा प्रचण्डले ‘केपी ओलीको निरंकुश र स्वेच्छाचारी कदमलाई सही ठहर्‍याउने काम भयो भने ‘लाखौं लाख जनता सडकमा उतार्ने र गल्ती सच्याइन्छ’ भन्ने अभिव्यक्ति दिएका थिए । उक्त अभिव्यक्तिले न्यायपालिकाको स्वतन्त्रता, सक्षमता र निष्पक्षतामाथि गम्भीर असर पार्ने रिट निवेदकले दाबी गरेका थिए ।

    प्रतिकृया दिनुहोस्