News Portal

प्रदेश १ का मुख्यमन्त्री शेरधन राईविरुद्ध प्रचण्ड-नेपाल समूहद्वारा अविश्वास प्रस्ताव पेश

डबली संवाददाता२०७७ फागुन ९ गते
४७ पटक

काठमाडौं । प्रदेश १ का मुख्यमन्त्री शेरधन राईविरुद्ध अविश्वासको प्रस्ताव पेश गरिएको छ । नेपाल कम्युनिस्ट पार्टी (नेकपा) को प्रचण्ड-माधव कुमार नेपाल समूहले अविश्वास पस्ताव पेश गरेको हो ।

पार्टी विभाजनसँगै प्रचण्ड-नेपाल समूहका सांसदहरुले प्रदेशसभा सचिवायमा अविश्वास प्रस्ताव दर्ता गरेका थिए । उक्त प्रस्तावलाई संसद बैठकमा पेश गर्न रोक्न (नेकपा) को ओली समूह अर्थात सत्तारुढ सांसदहरुले संसद बैठक अवरुद्ध गर्दै आएका थिए । सत्तापक्षका सांसदहरुले संसद अवरुद्ध गर्न थालेपछि चौतर्फी विरोध भएको थियो ।

ओली समूहबाटै आलोचना हुन थालेपछि आजको बैठकमा सत्ता पक्षका सांसदहरुले संसद बैठक अवरुद्ध नगरेपछि अविश्वास प्रस्ताव पेश गरिएको थियो । मुख्यमन्त्री राईविरुद्धको अविश्वासको प्रस्ताव प्रचण्ड–माधव पक्षका सांसद ईन्द्र आङ्बोले सदनमा पेस गरेका हुन् ।

अविश्वास प्रस्ताव पेस गर्न प्रदेश सभामुख प्रदीपकुमार भण्डारीको अनुमतिपछि आङ्वोले प्रस्ताव पेश गरेका हुन् । आङ्वोले अविश्वास प्रस्ताव पेश गरेलगत्तै सभामुख भण्डारीले संसद बैठक स्थगित भएको जानकारी गराउँदै अर्को बैठक यही फागुन २० गते बस्ने जानकारी दिइएको थियो ।

प्रतिकृया दिनुहोस्