News Portal

भागरथी–निर्मला-सम्झनालाई न्यायको माग गर्दै अखिल क्रान्तिकारीद्वारा नेपालगंजमा वृहत प्रदर्शन

डबली संवाददाता२०७७ फागुन ६ गते
९१ पटक

नेपालगंज । अनेरास्ववियु (क्रान्तिकारी) ले बाँकेको नेपालगंजमा वृहत विरोध प्रदर्शन गरेको छ । भागरथी भट्ट, निर्मला पन्त, सम्झना बिकलाई न्यायको माग विहीबार नेपालगंज बजारमा अखिल क्रान्तिकारीले वृहत प्रदर्शन गरेको हो ।

विप्लव नेतृत्वको नेपाल कम्युनिस्ट पार्टी निकट अखिल क्रान्तिकारीको भरी–कर्णाली क्षेत्रीय समन्वय समितिद्वारा आयोजित विरोध प्रदर्शनमा हजारौं विद्यार्थीहरु सहभागी भएका थिए । उनीहरुले भागरथी भट्ट, निर्मला पन्त, सम्झना बिकका अपराधीलाई कडाभन्दा कडा कारवाहीको माग गर्दै नाराबाजी गरेका थिए ।

विरोध सभालाई सम्बोधन गर्दै वक्ताहरुले सरकारले शान्ति सुरक्षा दिन नसकेकै कारण देशमा ब लात्कार र ह त्याका पीडितले न्याय पाउन नसकेको बताए । उनीहरुले राज्य गैरजिम्मेवार बनेका कारण यस्ता घटना मौलाइरहेको आरोप समेत लगाए ।

 

समितिका संयोजक हर्कबहादुर बिकले भागरथी, निर्मला पन्त र सम्झना बिकलगायतका छात्राले न्याय नपाए थप संघर्षका कार्यक्रम सार्वजनिक गर्ने बताए ।

प्रतिकृया दिनुहोस्