News Portal

  • सामना परिवारका प्रमुख कलाकार सरल माझीलाई रिहा गर्न महासंघको माग

    डबली संवाददाता२०७७ माघ २६ गते
    २३९ पटक

    काठमाडौँ । अखिल नेपाल जनसांस्कृतिक महासङ्घले सामना सांस्कृतिक परिवारका प्रमुख कलाकार सरल माझीको गिर फ्तारको निन्दा गर्दै रिहाईको माग गरेको छ । प्रहरीले माझीलाई यही माग २४ गते बाग्लुङबाट गिर फ्तार गरेको थियो ।

    महासंघका महासचिव खेम थपलियाले एक विज्ञप्ति जारी गरेर कलाकारमाथि भइरहेको भइरहेको गिर फ्तारी, दमन र ज्यादती रोक्न सरकारलाई चेतावनी समेत दिएका छन् । नेपालको परिवर्तनकारी आन्दोलनमा जनताका कलाकारहरूको अद्वितीय भूमिका रहँदै आएको बताउँदै थपलियाले बलिदान, समर्पण, शौर्यको प्रतिबम्बका रूपमा स्थापित सामना सांस्कृतिक परिवार र जनताका प्रिय कलाकारहरूमाथि पटक–पटक दलाल सामाजिक फासिवादी व्यवस्थाका मतियारहरूले गिरफ्तारी गर्ने, धरपकड गर्ने, वाद्यवादनका सामग्री लुट्ने, झुट्टा मुद्दामा फसाउने हर्कत गर्दै आएको बताए ।

    “नेपालको परिवर्तनकारी आन्दोलनमा जनताका कलाकारहरूको अद्वितीय भूमिका रहँदै आएको छ । बलिदान, समर्पण, शौर्यको प्रतिबम्बका रूपमा स्थापित सामना सांस्कृतिक परिवार र जनताका प्रिय कलाकारहरूमाथि पटक–पटक दलाल सामाजिक फासिवादी व्यवस्थाका मतियारहरूले गिरफ्तारी गर्ने, धरपकड गर्ने, वाद्यवादनका सामग्री लुट्ने, झुट्टा मुद्दामा फसाउने हर्कत गर्दै आएको छ । कमरेड सरल माझीको गिरफ्तारी त्यसैको पछिल्लो फासिवादी कडी हो । समकालीन नेपाली राजनीतिको यस्तो विशिष्ट अवस्थामा जनताका कलाकारलाई बिनाकारण गिरफ्तार गरिनु सामान्य परिघटना हुनै सक्तैन । हाम्रो सङ्गठन जनताको महान् बलिदानबाट प्राप्त राजनीतिक–वैचारिक अधिकारको सम्मान गर्न आग्रह गर्न चाहन्छौँ । हाम्रो सङ्गठन पक्राउ परेका जनकलाकार सरल माझी एवम् बाग्लुङ इन्चार्ज कमरेड छम सेनलाई तुरुन्त रिहा गर्न जोडदार माग गर्दछ । हाम्रो सङ्गठन क्रान्तिकारीहरूलाई मारेर, थुनेर, थकाएर, गलाएर वा आत्मसमर्पण गराएर महान् जनक्रान्तिको गतिवान प्रवाहलाई रोक्ने सपना नदेख्न पनि यसै वक्तव्यमार्फत चेतावनी दिन चाहन्छ” विज्ञप्तिमा भनिएको छ ।

    महासचिव थपलियाले सरकारले वार्ताको हल्ला चलाउने र अर्कोतिर नेता कार्यकर्तालाई निरन्तर धरपकड र गिर फ्तार गर्ने गरेको भन्दै निन्दा र भत्सर्ना गरेका छन् ।

    विज्ञप्तिमा भनिएको छ,“एकातिर वार्ताको हल्ला चलाउने र अर्कोतिर नेता–कार्यकर्तालाई निरन्तर धरपकड र गिरफ्तार गर्ने ओली सरकारको यस प्रकारको निकृष्ट कार्यको जति निन्दा र भत्र्सना गरे पनि कम हुन्छ । अतः ससंदीय सत्ताको सिनो लुछ्ने झगडामा निर्लिप्त भ्रष्ट र दमनकारी शासक एवम् असफल सिद्ध भइसकेको दलाल संसदीय व्यवस्थालाई ध्वंस गर्दै वैज्ञानिक समाजवादी व्यवस्थाको स्थापनार्थ जनक्रान्तिको आँधी–तुफानमा समाहित हुन पनि हामी यसै वक्तव्यमार्फत सबैलाई आह्वान् गर्दछौँ ।”

    प्रतिकृया दिनुहोस्