News Portal

श्रीमतिले बोलाएर दाङस्थित ससुराली घर गएका बझाङका लक्ष्मण बेपत्ता 

डबली संवाददाता२०७७ माघ १३ गते
९७ पटक

काठमाडौं । ससुराली गएका बझाङका एक जना युवक दाङबाट बेपत्ता भएका छन् । जयपृथ्वी नगरपालिका ४ गोलाईका २० बर्षिय लक्ष्मण विक माघ ४ गते दाङस्थित ससुरालीको घरबाट सम्पर्कविहिन भएको उनको परिवारले जनाएको छ ।

दाङ, तुल्सीपुर नगरपालिका वडा नं १८ मा रहेको ससुराली घर गएका उनि त्यहीबाट बेपत्ता भएका हुन् । विकले एकवर्ष अघि दाङकी गायत्री कुमालसँग विवाह गरेका थिए । विवाहको पाँच महिना जति बझाङ बसेर गायत्री माइती गएकी र त्यसपछि बझाङ फर्किन नमानेको वेपत्ता लक्ष्मणका बुवा हरी कामीले बताए ।

माघको पहिलो हप्तातिर काठमाडौंमा रहेका लक्ष्मणलाई गायत्रीले नै लिन आउन भनेर फोन गरेको तर उनि त्यहाँ जाँदा गायत्री उनी नभेटिएपछि फोनमा दुईजनाबीच भनाभन भएको बुझीएको उनले बताइएको छ ।

‘अब लिन आइजा भनेर बुहारीले नै फोन गरेर बोलाएकी हुन्, बुहारी घरमा नभेटेपछि दुईजनाको फोनमा भनाभन भयो । अनि लक्ष्मण फोन पनि त्यही छोडेर हिडेको हो भन्छन् । आजसम्म केही खवर छैन’

श्रीमति लिन गएर हराएका लक्ष्मणको खोजीको लागि दाङ प्रहरीमा उजुरी दिएको तर हालसम्म केही पत्ता नलागेको भन्दै परिवार चिन्तित भएका छन् ।

प्रतिकृया दिनुहोस्