आज :

प्रदेशसभा विघटनको गृहकार्य !

काठमाडौँ । सरकारले प्रदेशसभा विघटनको तयारी थालेको छ । संघीय संसद विघटन गरेर मध्यावधि निर्वाचनको घोषणाबारे कानुनी र राजनैतिक लडाइँ जारी रहेकै बेला प्रदेशसभा विघटनको गृहकार्य सुरु थालिएको हो ।

प्रधानमन्त्री केपी शर्मा ओलीले अबको कदम प्रदेशसभा विघटन गर्न चाल्ने बताइएको छ । यसको पुष्टि मन्त्रीहरु र ओली निकटहरुले गरेका छन् । भूमि व्यवस्था, सहकारी तथा गरिबी निवारण मन्त्री शिवमाया तुम्बाहाम्फेले प्रदेशसभा पनि विघटन हुने सम्भावना रहेको बताएर यसको पुष्टि गरेकी हुन् ।

पार्टी विभाजनसँगै दौडधुपका क्रममा सोमबार विराटनगर पुगेकी मन्त्री तुम्बाहाम्फेले राष्ट्रिय राजनीतिमा विकसित घटनाक्रमको प्रभाव प्रदेशसभामा पनि परेकाले संविधान, प्रदेशको ऐन, नियमावलीअनुसार प्रदेशसभा विघटन हुन सक्ने बताएकी थिइन् ।

त्यस्तै यसअघि उद्योग, वाणिज्य तथा आपूर्ती मन्त्री लेखराज भट्टले पनि प्रदेशसभा विघटनबारे सरकार पर्ख र हेरको अवस्थामा रहेको बताएका थिए । उनले ओली पक्षीय मुख्यमन्त्रीले सरकारले छोड्ने अवस्थामा प्रदेशसभा विघटन हुन सक्ने संकेत गरेका थिए । त्यस्तै, ओली निकट नेताहरुले पनि संघीयताको विरुद्ध अभिव्यक्ति दिइरहेका छन् । उनीहरुले संघीयता नै खारेज गर्नुपर्ने तर्क राख्दै आएका छन् । यसको संकेत ओलीका विश्वास पात्र पूर्वसञ्चारमन्त्री गोकुल बाँस्कोटाले पनि अर्को पक्षको कदम हेरेर प्रधानमन्त्रीले थप कदम चाल्ने बताएका थिए । उनले ओली समूहका मुख्यमन्त्रीलाई हटाइए प्रदेशसभा नै खारेज गर्ने संकेत गरेको राजनीतिक वृतमा चर्चा भइरहेको छ ।

(नेकपा)का ६ वटा प्रदेशमध्ये चार मुख्यमन्त्री ओली समूहतिर लागेका छन् । प्रदेश १ र बागमती प्रदेशका मुख्यमन्त्रीविरुद्ध अविश्वासको प्रस्ताव दर्ता भइसकेका छन् भने गण्डकी र लुम्बिनी प्रदेशको मुख्यमन्त्री अहिलेसम्म सुरक्षित मानिएका छन् ।

प्रधानमन्त्री केपी शर्मा ओलीनिकट नेताहरू तथा संघीय सरकारका मन्त्रीहरुले प्रदेशसभा विघटन तथा प्रदेश सरकार खारेजको सम्भावनाबारे लगातार अभिव्यक्ति दिएका छन् । संसद विघटनलगत्तै प्रधानमन्त्री ओली आफैंले पनि प्रदेश सरकार हेरफेर भए आफूले थप कदम चाल्ने संकेत गरेका थिए ।

स्रोतका अनुसार प्रदेशसभा विघटन ओलीको अन्तिम अस्त्र हो । त्यो भन्दा प्रदेशमा अन्य पार्टीसँग मिलेर सरकार बनाउने प्रयास गर्नेछन् । त्यो नभएमा प्रदेशसभा विघटन गर्न सक्ने सम्भावना बढी रहेको स्रोतको दाबी छ ।

प्रतिक्रिया

About us

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम २०७१ सालदेखि निरन्तर चलिरहेको छ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार र समाचार सामाग्री हाम्रो अनलाइनको प्राथमिकता हो ।

सम्पर्क

Dabali Media Pvt. Ltd.
Anamnagar Kathmandu
Phone : 01-4771244
[email protected]
[email protected]

हाम्रो टीम

डबली मिडिया प्रा.लि. द्वारा संचालित 
अनलाइन डबली डटकम को लागि

अध्यक्षः दिपेन्द्र रावल
सम्पादकः धनन्‍जय बुढा

कार्यकारी सम्पादक : देवीराम देवकोटा
दर्ता नं. १५४/०७३-७४

Copyright © 2021 Online Dabali | Powered By EasySoftnepal