काठमाडौँ । नेपाल कम्युनिस्ट पार्टी (नेकपा) नेता वामदेव गौतम शनिबार विहानै प्रचण्ड निवास खुमलटार पुगे । अध्यक्ष प्रचण्ड र गौतमबीच संसद विघटनपछिको अवस्थाबारे छलफल भएको छ ।
प्रचण्ड र गौतमबीच करिब एक घण्टा वार्ता भएको खुमलटार स्रोतले जानकारी दिएको छ । छलफलको क्रममा प्रचण्डले गौतमलाई आफ्नो समूहमा आउन अनुरोध गरेको बताइएको छ । तर, गौतमले भने स्पष्ट जवाफ नदिएको बताइएको छ ।
संसद विघटन प्रकरण पछि नेकपा विभाजित भएपनि गौतम हालसम्म केपी ओली र प्रचण्ड–माधव पक्ष कतैपनि खुलेका छैनन् । दुबै पक्षले गौतमलाई आफूतिर तान्न प्रयास गर्दै आएपनि उनले निर्णय लिइसकेका छैनन् ।
भेटवार्ताको क्रममा गौतमले आफू संसद विघटनविरुद्ध रहेको बताएका थिए । अन्तिम निर्णय केही दिनमै लिने गौतमले बताएको खुमलटार स्रोतले बताएको छ ।
