News Portal

  • संसद विघटनविरुद्ध सडकमा आगो बल्न सुरु, काठमाडौंसहित देशभर प्रदर्शन

    डबली संवाददाता२०७७ पुस ५ गते
    १३९ पटक

    काठमाडौं । संसद विघटनको विरोधमा सडकमा आगो बल्न सुरु भएको छ । प्रधामन्त्री केपी शर्मा ओलीकाे सिफारिस राष्ट्रपति विद्यादेवी भण्डारीले गरेको गरेको संसद विघटनलाई असंवैधानिक र कु भएको भन्दै काठमाडौंसहित देशका विभिन्न शहरमा विरोध प्रदर्शन भएका छन् ।

    काठमाडौंको माइतीघर मण्डलाबाट सुरु भएको (नेकपा) का नेता कार्यकर्ताहरुको विरोध र्याली वानेश्वार पुगेको छ । त्यस्तै, नेपाली काँग्रेसका नेता कार्यकर्ताहरुले पनि ओलीको कदम असंवैधानिक भएको भन्दै विरोध प्रदर्शनमा उत्रेका छन् ।

    काँग्रेससहितका पार्टीका कार्यकर्ताहरुले बाराकाे कलैयामा टायर बालेर प्रदर्शन गरेका छन् । नेकपा, कांग्रेसलगायत जनता समाजवादी पार्टीसम्बद्ध युवाहरूले उक्त कदम असंवैधानिक भएकाे भन्दै विरोध गरेका छन् ।

    प्रधानमन्त्री ओलीकाे कदमप्रति देशभर सर्वत्र विराेध भइरहेकाे छ । लाेकतान्त्रिक व्यवस्था नै धरापमा पार्ने प्रधानमन्त्रीकाे संसद् विघटनको विरोध गरेका छन् । प्रदर्शन राेक्न सशस्त्र र नेपाल प्रहरी परिचालन गरिएकाे छ ।

    त्यसैगरी संसद् विघटन गर्ने निर्णयको विरुद्धमा हेटौंडामा विरोध प्रदर्शन गरिएको छ । नेपाली कांग्रेसको भातृ संगठन नेपाल विद्यार्थी संघले हेटौंडामा विरोध प्रदर्शन गरेको हो । कांग्रेस कार्यालयबाट सुरु भएका विरोध र्‍याली हेटौंडा बजार परिक्रमा गर्दै सीमा चोकमा पुगेर कोणसभामा परिणत भएको थियो ।

    कोणसभालाई सम्बोधन गर्दै नेविसंघका महामन्त्री प्रभातकुमार दाहालले प्रधानमन्त्री केपी शर्मा ओली सरकारले गलत कदम चालेकोभन्दै तत्काल संसद विघटन गर्ने प्रस्ताव फिर्ता लिन आग्रह गरेका थिए ।

    नेपाल विद्यार्थी संघ मकवानपुर अध्यक्ष राजु खतिवडाले संसद् विघटन गरेर वर्तमान सरकार ‘कू’ को बाटोतर्फ अग्रसर भएको भन्दै यो गलत कदमको विरुद्ध सबैलाई लाग्न आग्रह गरे ।

    संविधानविदहरुले ओलीको कदमलाई कू संज्ञा दिँदै सर्वोच्च अदालतले जाने बताएका छन् । उनिहरुले संसद विघटनको अधिकारी प्रधानमन्त्रीलाई नदिएको बताउँदै यो संविधानमाथिकै हस्तक्षेप भएको बताएका छन् ।

    प्रतिकृया दिनुहोस्