काठमाडौं । नेपालमा कोरोना भाइरस संक्रमणबाट थप २१ जनाको ज्यान गएको स्वास्थ्य तथा जनसंख्या मन्त्रालयले जनाएको छ । योसँगै कुल मृतकको संख्या १५ सय २९ पुगेको छ ।
त्यसैगरी पछिल्लो २४ घण्टामा थप १ हनार ३०४ जनामा कोरोना भाइरस (कोभिड–१९) को संक्रमण पुष्टि भएको मन्त्रालय जानकारी दिएको छ । देशभरका प्रयोगशालामा ८ हजार ५८३ नमुना परीक्षण गर्दा ५०१ महिला र ८०३ पुरुषमा संक्रमण पुष्टि भएको हो । मंगलबार थपसहित नेपाल कोरोना संक्रमितको संख्या २ लाख ३४ हजार ७५६ पुगेको छ ।
मंगलबार थप २ हजार ७३ जनाले कोरोना जितेर डिस्चार्ज भएका छन् । योसँगै कुल २ लाख १६ हजार ५९४ जना संक्रमणमुक्त भएका छन् ।
पछिल्ला दुई दिन लगातर कोरोना संक्रमित भन्दा निको हुनेको संख्या बढी छ । १८ हजार नजिक पुगेका सक्रिय संक्रमित १६ हजार ६३३ रहेका छन् । उनीहरुमध्ये १० हजार ९९८ होम आइसोलेसनमा छन् भने ३७० जनाको आईसीयू र ६३ जनाको भेन्टिलेटरमा उपचार भइरहेको छ ।
मन्त्रालयका अनुसार सबैभन्दा धेरै काठमाडौंमा संक्रमित थपिएका छन् । उपत्यकामा थपिएका ५३० जनामध्ये ४०९ जना काठमाडौंका छन् । त्यस्तै उपत्यकाका अन्य दुई जिल्ला ललितपुरमा ८५ जना र भक्तपुरमा ३६ जना थपिएका छन् ।
त्यसैगरी कास्कीमा १०० जना, झापामा ६८, मोरङमा ६२, सुनसरीमा ५२, रुपन्देहीमा ४५, काभ्रेमा ४०, बाँकेमा ३०, मकवानपुरमा २९, चितवनमा २२, बर्दिया र अछाममा १९/१९ जना, बैतडीका १८, नवलपुरका १५,धनुषा, पाल्पा र कञ्चनपुरका १४/१४ जना, बाग्लुुङका १३, डडेलधुराका १२, इलाम, सिन्धुपाल्चोक, स्याङ्जा र कैलालीका ११/११ जनामा कोरोना संक्रमित भएको मन्त्रालयले जनाएको छ ।
त्यस्तै तनहुँ र बझाङमा १०/१० जना, सप्तरी, कपिलवस्तु र गुल्मीमा ९/९ जना,धादिङ र अर्घाखाँचीमा ८/८ जना, नवलपरासी र बाजुरामा ६/६ जना, सिराहामा ५, ओखलढुंगा, बारा, सर्लाही, रामेछाप, लमजुङ, दाङ र प्युठानमा ४/४ जना, पर्सा, महोत्तरी, रौतहट र गोरखामा ३/३ जना, उदयपुर, खोटाङ, ताप्लेजुङ, तेह्रथुम, धनकुटा, भोजपुर, दोलखा, सिन्धुली र मुस्ताङमा २/२ जना तथा पाँचथर, नुवाकोट, पर्वत, म्याग्दी, रोल्पा, डोटी र दार्चुलाका १/१ जनामा संक्रमण पुष्टि भएको छ ।
