काठमाडौं । अमेरिकामा कोरोना भाइरसभन्दा अन्य रोगका कारण मृत्युदर बढिरहेको एक तथ्यांकले देखाएको छ । अमेरिकामा मुटुरोग, मानसिक रोग, सवारी दुर्घटनाबाट वर्षेनी हजारौं मानिसको ज्यान जाने गरेको छ ।
सबैभन्दा धेरै मुटुरोगका कारण अमेरिकीको ज्यान जाने गरेको छ । एक वर्षमा करिब ७ लाख मानिसको ज्यान जाने गरेको तथ्यांकले देखाएको छ । त्यस्तै, आघात र क्यान्सरबाट पनि हजारौंको ज्यान जाने गरेको छ ।
सिएनएनका अनुसार अमेरिकामा एक वर्षमा ६ लाख ७० हजारभन्दा बढीको ज्यान जाने गरेको छ । दैनिक २ हजार ३५३ जनाको निधन हुने गरेको छ । यसको तुलनामा कोरोना संक्रमणबाट कमको ज्यान गएको छ ।
अमेरिकामा मानिसको ज्यान जाने दोस्रो ठूलो कारण क्यान्सर रोग हो । क्यान्सरबाट एक वर्षमा ६ लाख १२ हजार मानिसले ज्यान गुमाइरहेका छन् । यसको मुटुरोग र क्यान्सरभन्दा कोरोनाले कम मानवीय क्षति पुर्याएको देखिएको छ ।
त्यसैगरी मानिएको स्ट्रोक (आघात) बाट करिब १ लाख ४२ हजार व्यक्तिको ज्यान गएको छ । त्यस्तै, एक वर्षमा कार दुर्घटनामा परेर २४ हजारको ज्यान जाने गरेको छ भने मौसमी रुघाखोकीबाट ४२ हजारको निधन भइरहेको छ । त्यस्तै आत्मह.त्याबाट एक वर्षमा ४५ हजार भन्दा बढीको ज्यान जाने गरेको छ ।
जोन्स हप्किन्स विश्वविद्यालयका अनुसार अमेरिकामा कोभिड–१९ बाट ज्यान गुमाउनेको संख्या दुई लाख ५० हजार १८० पुगेको छ भने संक्रमितको संख्या एक करोड १५ लाख नाघेको छ । चुनावपछि अमेरिकामा कोरोना संक्रमण दर वृद्धि भएको छ । संक्रमण फैलिन थालेपछि न्यूयोर्कले बिहीबारदेखि विद्यालय बन्द गर्ने निर्णय गरेको छ ।
कोरोनाबाट ज्यान गुमाउने र संक्रमित हुनेका अमेरिकामा पहिलो नम्बरमै छ । अहिलेसम्म विश्वमा कोभिड–१९ बाट १३ लाख ४६ हजार सात सयभन्दा धेरैको ज्यान गएको छ भने पाँच करोड ६१ लाख ८ हजार बढी संक्रमित भइसकेका छन् ।
