News Portal

  • यी हुन् भारतीयलाई वंशजको आधारमा नेपाली नागरिकता दिलाउले जनप्रतिनिधि

    डबली संवाददाता२०७७ कात्तिक १४ गते
    २०३ पटक

    धनगढी । जनप्रतिनिधिले नै भारतीयलाई नेपाली नागरिकता दिलाउन सिफारिस गरेको खुलासा भएको छ । भारतीय नागरिकलाई वंशजका आधारमा नेपाली नागरिकता दिलाउन सिफारिस गरेको आरोपमा वडाध्यक्ष पक्राउ परेसँगै यो खुलासा भएको हो ।

    भारतीयले नेपाली नागरिकता दिलाउन धनगढी उपमहानगरपालिका–१२ का अध्यक्ष गणेशप्रसाद जोशीले सिफारिस गरेका थिए । नक्कली बाबु तयार गरेर । २०७५ साल फागुन २० गते वडा नम्बर १२ कै हिम्मतपुर शिविरका पुनिराम चौधरीलाई नक्कली बुवा बन्न तयार पनि जोशीले बनाएको बताइएको छ । कैलाली प्रहरीका अनुसार जोशीले भारत‍ीयलाई नागरिकता दिलाउन मुख्य भूमिका खेलेका थिए ।

    चौधरीलाई नक्कली बुवा बनाएर जोशीले भारतका अलियास अन्सारीलाई नागरिकता दिलाउन वडा कार्यालयबाट सिफारिस बनाएका थिए ।अन्सारी टीकापुर नगरपालिका– ७ मा बस्दै आएका छन् । नक्कली बुवा बन्ने चौधरी फरार छन् भने उनका दाजु खुशीराम चौधरीलाई पनि पक्राउ गरिएको छ ।

    जोशी नेपाली काँग्रेसबाट विजयी वडाअध्यक्ष हुन् । जोशीलाई हिरासतमा राखेर अनुसन्धान भइरहेको प्रहरीले जनाएको छ ।

     

    प्रतिकृया दिनुहोस्