News Portal

  • कोरोना संक्रमणका कारण संचारकर्मी गोपाल सिवाको निधन

    डबली संवाददाता२०७७ कात्तिक १३ गते
    ४३४ पटक

    काठमाडौं । संचारकर्मी तथा दलित अगुवा गोपाल परिवार (सिवा)को कोरोना भाइरस संक्रमणका कारण निधन भएको छ । दलित एकता संजाल नेपाल, अन्तर्रास्ट्रिय समन्वय समितिका सचिव समेत रहेका सिवाको सोमबार बेलुका ११ बजे निधन भएको हो।

    सिवाले सामाजि संजाल फेसबुकमार्फत आफू र पत्नीलाई कोरोना संक्रमित भएको  जानकारी गराउदै पछिल्लो समय आफुहरुसँग नजिक रहेकाहरुलाई साबधानी अपनाउन समेत अनुरोध गरेका थिए ।

    दलित अधिकारको क्षेत्रमा कलम चलाउँदै आएका सिवा लामो समयदेखि संचारकर्मीको रुपमा काम गरिरहेका थिए । हाम्रो संचार डट्कमको स्थापना कालदेखि नै प्रमुख भूमिकामा रहँदै आएका थिए ।

    दलित एकता संजालमा प्रवासमा रहँदादेखि आबद्ध रहेर दलित समुदायको हक, हित र जातीय बिभेदविरुद्ध संजालमा आबद्ध रहेका सिवाको निधनले दलित अधिकारको आन्दोनललाई क्षति पुगको छ । संचारकर्मी र दलित अगुवाहरुले सिवाको निधनप्रति दुःख व्यक्त गरेका छन् ।

    केही समयदेखि कुवेत रहेर कलम चलाइरहेका सिवा नेपाल पत्रकार महासंघ कुवेत शाखाका सहसचिव समेत थिए ।

    प्रतिकृया दिनुहोस्