News Portal

  • आज काठमाडौंमा यस बर्ष यताकै चिसो तापक्रम, देशभर मौसम परिवर्तन यसरी हुदैछ

    डबली संवाददाता२०७७ कार्तिक १२ गते
    ४३३ पटक

    काठमाडौँ । पछिल्लो समय मौसम गर्मि बाट चिसो हुदै गएको छ । मौसम परिबर्तन सगै आज काठमाडौं उपत्यकासहित देशभरको मौसम चिसोमा बदलिदै गएको छ । यसैबिच आज काठमाडौं उपत्यकाको न्यूनतम तापक्रम यस वर्षकै सबैभन्दा कम ११.४ डिग्री सेल्सियस रहको छ ।

    यो बिचमा आज बिहानको मापन अनुसार सबैभन्दा कम तापक्रम जुम्लामा १ र डडेलधुरामा ९.५ डिग्री सेल्सियस रहेको छ जल तथा मौसम विज्ञान विभागको मौसम पूर्वानुमान महाशाखाले जनाएको छ ।

    मौसमविद शान्ति कँडेलका अनुसार मौसम दुई तरिकाले चिसो हुन्छ । एउटा अधिकतम तापक्रम घटेर र अर्को न्यूनतम तापक्रम घटेर । डम्म बादल लाग्यो भने बादलले ब्ल्यांकेटको काम गर्छ र अधिकतम तापक्रम घट्छ । बादल लागेन भने न्यूनतम तापक्रम घट्छ र चिसो हुन्छ । अहिले चिसो भएको न्यूनतम तापक्रम घटेको हो ।

    उनका अनुसार दिनभर घाम लागे पनि बिहान र बेलुका जाडो बढेको महसुस हुने छ । अब देशभर चिसो बढ्दै जाने छ । ‘तापक्रम घट्ने क्रममा छ । अब चिसो क्रमशः बढ्दै जानेछ भने पहाडी जिल्लाहरुमा हुस्सु पनि बढ्दै जानसक्ने हुन सक्छ ।
    तापक्रम बढे पनि अहिले तत्कालै पानी पर्ने सम्भावना छैन् ।

    अहिले पानी पार्ने उल्लेखनीय मौसमी प्रणाली देशभर नै नरहेको जल तथा मौसम विज्ञान विभागको मौसम पूर्वानुमान महाशाखाले जनाएको छ ।

    प्रतिकृया दिनुहोस्