काठमाडौँ । रोल्पाको लिवाङमा प्रभु बैंक लिमिटेडको शाखा कार्यालय संचालनमा आएको छ । कोरोना कहरबीच आफ्नो सेवा विस्तार गरिरहेको बैंकले सोमबार रोल्पा नगरपालिका वडा नं. ४ स्थित लिवाङमा आफ्नो २१० औं शाखा संचालनमा ल्याएको छ ।
रोल्पा नगरपालिकाका मेयर पूर्ण केसीले सोमबार विहान लिवाङ शाखा कार्यालयको समुद्घाटन गरेको बैंकले जानकारी दिएको छ । शाखा कार्यालयको उद्घाटन गर्दै केसीले प्रभु बैंकले व्यावसायिक सञ्जाल विस्तार गर्दै बैंकिङ्ग पहुँच नपुगेको ठाउँहरुमा आफ्ना शाखा कार्यालय सञ्चालनमा ल्याएर सर्वसाधारणको घर आँगनसम्म सरल र सहज रुपमा बैंकिङ्ग सेवा विस्तार गरी प्रशंसनीय कार्य गरेको बताए । उनले प्रभु बैंकको यो अभियानले देशभरिनै बैंकिङ्ग पहुँचमा वृद्धि भएको मात्र नभई समग्र देशको आर्थिक विकासमा सकारात्मक टेवा पुगेको समेत बताए ।
लिवाङ शाखाबाट प्रभु बैंकको गुणस्तरीय एवं अत्याधुनिक प्रविधियुक्त बैंकिङ्ग सेवा प्रवाह हुने भएकोले स्थानीय सर्वसाधारणहरु, व्यवसायिक फर्म, कम्पनी तथा संघ संस्थाहरुले गुणस्तरीय सेवा उपभोग गरी लाभान्वित हुने र स्थानीय सर्वसाधारणमा बैंकिङ्ग बानीको विकासमा अभिवृद्धि भई स्थानीय स्तरको सम्पूर्ण आर्थिक कारोबार बैंकिङ्ग प्राणालीमा प्रवेश गर्नुका साथै यस क्षेत्रको समग्र आर्थिक उन्नतीमा लिवाङ शाखा कार्यालयले महत्वपूर्ण भूमिका निर्वाह गर्ने बैंकले विश्वास लिएको छ ।
