News Portal

  • डा. केसीसँग मध्यरात ८ बुँदे सहमति, जुम्लामा एमबीबीएस पढाई हुने

    डबली संवाददाता२०७७ असोज २५ असोज
    २४१ पटक

    काठमाडौं । सरकार र डा. गोविन्द केसीबीच राति अविर सहमति भएको छ । शुक्रबार तर्केको सरकार शनिबार राति वार्तामा बस्न तयार भएको थियो । सरकारी वार्ता टोली संयोजक गोपी मैनाली र अनसनरत डा. केसीबीच ८बुँदे सहमतिमा हस्ताक्षर भएको छ ।

    सरकार र डा.केसीबीच कर्णाली स्वास्थ्य विज्ञान प्रतिष्ठानमा आगामी वर्षबाट एमबीबीएस कार्यक्रम सञ्चालन गर्ने सहमति भएको छ । अन्यत्र २०८० फागुन १० भित्र पढाई सुरु गर्ने सहमतिमा उल्लेख छ ।

    यस्तै विश्वविद्यालय र प्रतिष्ठानहरुमा पदाधिकारी नियुक्ति निश्पक्ष र पारदर्शी बनाउन उच्च शिक्षासम्बन्धी विधेयक र एकीकृत स्वास्थ्य शिक्षा प्रतिष्ठानसन्बन्धी विधेयकमा समेट्न तीन साताभित्र मस्यौदा बनाउने र कानूनी व्यवस्था नहुँदासम् वरिष्ठता र कार्यक्षमताका आधारमा गर्ने सहमति भएको छ ।

    यस्तै चिकित्सा शिक्षा ऐन संशोधनका लागि चिकित्सा शिक्षा आयोगले गठन गरेको कार्यदलको क्षेत्राधिकारमा डा. केसीबीच २०७५ साउन १०लाई पनि राख्ने सहमतिमा उल्लेख छ ।

    अछामस्थित बयलपाटा अस्पताललाई सरकारी बजेटको व्यवस्था गर्नेलगायतका सहमति भएका छन् । तर कार्यान्वयन हुन्छ वा हुँदैन हेर्न बाँकी छ । सरकारीसँग सहमति भएसँगै डा. केसीले अहिले ९ बजे अनसन तोड्ने तयारी गरेका छन् ।

    यस्ता छन् सहमतिका बुँदा

    प्रतिकृया दिनुहोस्