काठमाडौँ । देशभक्त जनगणतान्त्रिक मोर्चा नेपाल केन्द्रिय समितीले डा. गोविन्द के.सी.का माग पूरा गर गर्नु अनुरोध गरेको छ ।
सोमबार जनगणतान्त्रिक मोर्चाका अध्यक्ष सी.पी. गजुरेलले एक बिज्ञप्ति जारी गदै डा. गोविन्द के.सी.को
जीवन रक्षा गर्न सरकारसँग जोडदार माग गरेको छ ।
अध्यक्ष गजुरेलद्धारा जारी बिज्ञप्तिमा भनिएको छ “उहाँको स्वास्थस्थिति नाजुक बनेको कुरा उपचारमा संलग्न चिकित्सकहरुले बताएका छन् ।
मूलतः विगतका अनसनका दौरान वार्ताहरुमा भएका सहमतिहरुलाई नै कार्यान्वयन गर्ने मागहरु भएको हुनाले अविलम्ब वार्ता समिति बनाई उपयुक्त मागहरु पूरा गरी उहाँको जीवन रक्षा गर्न हामी सरकारसँग जोडदार माग गर्दछौं । डा. गोविन्द के.सी.को जीवनमा खेलवाड गर्ने काम नहोस् ! हामी यो सरकारलाई चेतावनी पनि दिन चाहन्छौं ।”
त्यस्तै बिज्ञप्तिमा अगाडि भनेको छ “ नेपालमा शिक्षा र स्वास्थ क्षेत्रमा भइरहेका विकृति र विसंगतिको विरोध र यस स्थितिमा सुधार गर्ने उद्देश्यका साथ लामो समयदेखि सक्रिय रहनुभएका अभियन्ता वरिष्ठ चिकित्सक डा. गोविन्द के.सी.को १९ औं अनसन आज २२ औं दिनमा प्रवेश गरेको छ ।”
