काठमाडौँ । स्पाइनलमा ट्यूमरका कारण अछामका निराजन बटालाको स्वास्थ्य अवस्था गम्भीर बन्दै गएको छ । पञ्चदेवल विनायक नगरपालिका–७ पुल्लेतोलास्थिति मतीका निराजन विगत एक वर्षदेखि स्पाइलन ट्युमरबाट पीडित छन् ।
स्वास्थ्यमा समस्या देखिएपछि निराजन घरबाट भारतको पुना पुगे । मजदूरी गरी कमाएर उपचार गर्ने योजनामा मुम्बई पुगेका निराजनले आर्थिक जुटाउन सकेनन् । समयमै उपचार हुन नसक्दा स्वास्थ्य अवस्थामा गम्भीर बन्दै गएपछि पुनाको एक अस्पतालमा भर्ना भए । तर, आर्थिक अभावका कारण उपचार हुन सकेन ।
उपचार गर्ने भनेर भारत गएका निराजन कोरोना महामारीसँगै मजदूरी काम नपाएपछि उपचार नगरेरै घर फर्किए । घर पुगेको केही दिनमैमै स्वास्थ्य थप समस्या देखियो । अहिले निराजनको कम्मर मुनीको शरीरले काम गर्न छोडेको छ । उपचारको लागि अहिले कामठमाडौँको बल्खुस्थित बयोधा अस्पतालको बेडमा रहेका निराजनको आर्थिक अभावका कारण उपचारमा समस्या उत्पन्न भएको छ । चिकित्सकाहरुले तुरुन्त जटिल शल्यक्रिया नगरेर थप समस्या हुने बताएका छन् ।
घरबाट शल्यक्रिया जुटाउन सक्ने अवस्थामा नभएपछि निराजनले सहयोगको लागि अपील गरेका छन् । उनले आफन्त, मित्रजन र सहयोगी दातासँग सक्दो सहयोगको लागि आग्रह गरेका छन् ।
“अहिले म काठमाडौँको बयोधा अस्पतालको बेडमा छु । आर्थिक अभावका कारण शल्यक्रियामा समस्या छ । मेरा आफन्त, मित्र तथा शुभचिन्तक र सहयोगी मनहरुसँग सक्दो सहयोग गरी मलाई बचाई दिनहुन अनुरोध गर्दछु” निराजनले अस्पतालको बेडबाटै भने ।
