News Portal

  • नेपालमा कोरोना जितेर घर फर्किनेको संख्या ५१ हजार नजिक, १८ हजार बढी सक्रिय संक्रमित

    डबली संवाददाता२०७७ असोज ८ गते
    १६८ पटक

    काठमाडौं । नेपालमा कोरोना भाइरस संक्रमणमुक्त भएर घर फर्किनेको संख्या ५१ हजार नजिक पुगेको छ । स्वास्थ्य तथा जनसंख्या मन्त्रालयका अनुसार विहीबार ४५७ सहित ५० हजार ४ सय ११ जना कोरोना संक्रमणमुक्त भएका छन् । विहीबार साँझ थप व्यक्ति कोरोनामुक्त भएसँगै निको हुनेको संख्या ५१ हजार नजिक पुगेको हो ।

    मंगलबार र बुधबार कोरोना संक्रमणमक्त हुनेको संख्या बढेपनि विहीबार भने संक्रमित भन्दा आधा भन्दापनि कम व्यक्ति संक्रमणमुक्त भएका छन् । त्यस्तै थप १७ जनाको ज्यान गएको छ । योसँगै नेपालमा ४५३ जनाले कोरोनाबाट ज्यान गुमाएका छन् ।

    त्यसैगरी २४ घण्टामा नेपालमा १४ सय ९७ जनामा कोरोना भाइरसको संक्रमण पुष्टि भएको छ । मन्त्रालयका प्रवक्ता डा. जागेश्वर गौतमले ११ हजार ४४९ जनाको पीसीआर परीक्षण गर्दा १४९७ जनामा कोरोना संक्रमण भएको जानकारी दिए । योसँगै नेपालमा कोरोना संक्रमितको कुल संख्या ६९ हजार ३०१ पुगेको छ । जसमध्ये १८ हजार ४३७ जना सक्रिय संक्रमित रहेको स्वास्थ्य तथा जनसंख्या मन्त्रालयले जनाएको छ ।

    मन्त्रालयका अनुसार विहीबार सबैभन्दा धेरै काठमाडौंमा ६०९, चितवनमा १३७, ललितपुरमा ९५, रुपन्देहीमा ८६, मोरङमा ७३, बाँकेमा ५३, भक्तपुरमा ५१ जना, कैलालीमा ४५ जनामा कोरोना संक्रमण पुष्टि भएको छ ।

    त्यस्तै बर्दियामा २४, पर्सा, सिराहामा २३, मकवानपुरमा २१, तनहुँमा १७, सप्तरीमा १६, नवलपरासी पूर्व र नवलपरासीमा १४/१४, सुनसरीमा १३, ओखलढुंगा, काभ्रेपलाञ्चोक, बाग्लुङमा १२/१२, धनुषा र बैतडीमा १०/१०, गोरखा र दाङमा ९/९ जनामा कोरोना संक्रमण पुष्टि भएको छ ।

    नुवाकोट, कास्की र स्याङ्जामा ८/८, बारा, पर्वत र प्युठानमा ६/६, सिन्धुलीमा ५, झापा, महोत्तरी, रौतहट, धादिङ, गुल्मी, पाल्पा, सल्यान, कञ्चनपुर र डोटीमा ४/४, संखुवासभा, दोलखा, अर्घाखाँची र सुर्खेतमा ३/३ जना, उदयपुर, लमजुङ, कपिलवस्तु, दैलेखमा २/२, भोजपुर, सर्लाही, रामेछाप, अछाम, डडेल्धुरा र दार्चुलामा १/१ जनामा कोरोना भाइरस संक्रमण पुष्टि भएको मन्त्रालयले जानकारी दिएको छ ।

    यसैबीच प्रदेश १ मो कोरोना संक्रमितको संख्या ६ हजार नाघेको छ । बिहीबार थप ११४ संक्रमित थपिएसँगै प्रदेश १ मा कोरोना संक्रमितको संख्या ६ हजार नाघेको हो । प्रदेश १ सामाजिक विकास मन्त्रालयका अनुसार संक्रमित मध्ये २ हजार ६१९ जना संक्रमण मुक्त भएका छन् ।

    प्रदेश १ मा रहेका ६ हजार ६४ संक्रमित मध्ये ५७ जनाको निधन भइसकेको छ भने ३ हजार ३८८ सक्रिय संक्रमित छन् । प्रदेश १ मा १ लाख १८ हजार ८१० जनाको पीसीआर परीक्षण भएको छ ।

    प्रतिकृया दिनुहोस्