काठमाडौं । नेपाल कम्युनिस्ट पार्टी (नेकपा) सचिवालय बैठक पेरिसडाँडामा जारी छ । पार्टी एकतापछि पहिलो पटक पूर्वएमाओवादीको कार्यालय रहेको पेरिसडाँडामा आइतबार विहान ११ बजेबाट बैठक सुरु भएको थियो ।
यसअघि बालुवाटार बस्दै आएको बैठकमा पार्टी अध्यक्ष तथा प्रधानमन्त्री केपी शर्मा ओली एकैछिन उपस्थित भएर निस्किन्थे । तर पेरिसडाँडामा जारी बैठकमा ओली पनि सहभागी छन् ।
शुक्रबारको सचिवालय बैठक पेरिसडाँडामा बस्ने तय भएको थियो । तर कार्य व्यवस्थाका कारण बैठक आजलाई सारिएको थियो । पार्टी एकतालाई नयाँ सन्देश दिन पेरिसडाँडामा बैठक आयोजना गरिएको (नेकपा) का नेताहरु बताउँछन् ।
स्रोतका अनुसार सचिवालय बैठकमा मन्त्रिमण्डल हेरफेरबारे नेताहरुबीच छलफल चलिरहेको छ । नयाँ मन्त्री हुने पात्रबारे छलफल भइरहेको छ । त्यसैगरी बैठकमा पार्टी एकताका बाँकी काम र समसामयिक राजनीतिक घटनाक्रमबारे पनि छलफल भएको छ । फुटको डिलमा पुगेर फर्किएको (नेकपा) दुई अध्यक्षको कार्यविभाजनसँग कुरो मिलेको थियो ।
त्यसैगरी एमसीसी सम्झौताबारे पनि कुरा मिलिनसकेकोले आजको बैठकको एजेण्डा बनाइएको छ ।
