News Portal

  • सत्तारुढ (नेकपा) का कार्यकर्तालाई सामाजिक संजालमा लेख्न प्रतिबन्ध, नेताविरुद्ध लेख कारवाही गर्ने

    डबली संवाददाता २०७७ भदौं २५ गते
    ४६२ पटक

    काठमान्डौ । सत्तारुढ( नेकपा) नेता-कार्यकर्तालाई सामाजिक संजालमा लेख्न प्रतिबन्ध लगाएको छ । नेताविरुद्ध सामाजिक संजालमा लेखेमा कारवाही गर्नेगरी नियम बनाएको छ । (नेकपा)का २ अध्यक्षदयले स्थायी कमिटी मार्फत् नेताकार्यकर्ताहरुले अर्को नेताकार्यक्रता विरुद्ध लेख्न नपाउने व्यवस्था गर्न लागेका बैठकमा छलफल गरेको छन् ।

    छलफलमा खासगरी नेता र सरकारका काम कार्वाहीबारे आलोचनात्मक टिप्पणी गर्न नपाइने गरी बन्देज लगाउन खोजिएको हो । बैठकको प्रस्तावमा भनिएको छ, ‘पार्टीको नीति, नेता र कार्यकर्ताविरुद्ध सामाजिक सञ्जालमा जथाभावी लेख्ने र पार्टी हित विपरीत गतिविधि गर्ने प्रवृत्तिलाई कडाइका साथ रोक्न जिम्मेवार कमरेडहरु र सम्वद्ध सबैलाई यो बैठक निर्देशित गर्दछ ।’

    त्यसैगरी प्रस्तावमा ‘समग्र पार्टी र तीनै तहको सरकारको काममा समेत फैलिँदै गएको गुटबन्दीको असरलाई विधि, पद्धति र संस्थागत निर्णयको प्रभावकारी कार्यान्वयनद्वारा समाधान गर्ने र सबै प्रकारका अनेकता, अराजकता र अनुशासनहीनता एवं गुटबन्दीपूर्ण क्रियाकलापलाई नियन्त्रण गर्ने निर्णय गर्दछ ।’ भनिएको छ ।

    अध्यक्षद्वय ओली र दाहालले स्थायी कमिटीमा पेश गर्न तयार पारिएको प्रतिवेदनमा नेता तथा क्रार्यक्रर्ता माथि टिप्पणी गर्न रोक लगाउने प्रस्ताव गरेको हो ।

    प्रतिकृया दिनुहोस्