News Portal

  • अदालतकाे आदेश लत्याउदै नेकपाका नेता वीरजङ पुनः समातिए

    डबली संवाददाता२०७७ भदौ १० गते
    ३८६ पटक

    काठमान्डौं । नेकपाका केन्द्रीय सदस्य तथा तत्कालीन मध्यपश्चिम इन्चार्ज चन्द्रबहादुर चन्द ‘वीरजङ्ग’ लाई सबोच्च अदालतले थुनामुक्त गर्न दिएको आदेश लत्याउदै प्रहरीले बिना कारण परिसरबाटै पुनः गि’रफ्तार छ ।मंगलबार वीरजङ्गलाई बन्दी बनाउनुपर्ने स्पष्ट कारण नखुलेको भन्दै वीरजङ्गलाई थुनामुक्त गर्न आदेश दिएको थियो । तर रिहा हुनेबितिक्कै मुद्दा रहेको भन्दै प्रहरीले नेता वीरजङ्गलाई प्रहरीले अदालतको गेटबाटै पुनः गिरफ्तार गरेको हो ।

    सर्वोच्च अदालतले बन्दी प्रत्यक्षीकरणको रिटमाथि सुनुवाइ गर्दै मंगलबार बन्दी बनाउनुपर्ने स्पष्ट कारण नखुलेको भन्दै वीरजङ्गलाई थुनामुक्त गर्न आदेश दिएको थियो । तर रिहा हुने बितिक्कै मुद्दा रहेको भन्दै प्रहरीले नेता प्रहरीले पुनः गिर’फ्तार गरेको हो । सर्वोच्च अदालतका न्यायाधीशहरू दीपककुमार कार्की र प्रकाशमानसिंह राउतको इजलासले रिहाइको आदेश दिएको हो ।

    अदालतमा भएको बहसमा नेता वीरजङ्गका तर्फबाट वरिष्ठ अधिवक्ता एकराज भण्डारी, अधिवक्ताहरू कान्तिराम ढुङ्गाना, सन्तोष भण्डारी, लक्षीनानी थापा र चूडाबहादुर निरौलाले बहस गरेका थिए ।

    अदालतले स्पष्ट आधार र कारणबिना प्रवृत्त भावनाले केवल फरक विचार र आस्था राखेकै कारणबाट मात्र पक्राउ गर्ने र अनुसन्धानका क्रममा भनी थुनामा राख्ने वा धरौटी दिन नसकेको भनी थुनामा राख्ने कार्य न्यायिक दृष्टिकोणबाट समेत औचित्यपूर्ण नभएको भन्दै रिहाइको आदेश दिएको थियो ।

    यसअघिने पनि सर्वोच्च अदालतमा गैरकानुनी रूपमा कारागार चलान भएको भनी बन्दी प्रत्यक्षीकरणको रिट निवेदन परेपछि सर्वोच्च अदालतको आदेशमा जिल्ला अदालत भोजपुरले नेता वीरजङ्गलाई थुनामुक्त गर्न आदेश दिएको थियो ।

    गत असोज ३० गते वीरजङ्गसहित नेकपाका २१ जना नेता–कार्यकर्तालाई प्रहरीले बैठक दाङबाट गि.रफ्तार गरेको थियो । अन्य २० जना भने अदालतको आदेशमा यसअघि नै रिहा भैसकेका छन् ।

    नेकपाका महासचिव विप्लवका दाजु समेत रहेका नेता वीरजङ्गलाई भने दाङ देउखुरी अदालतले रिहाइको आदेश दिएपनि अर्को मुद्दा बाँकी रहेको भन्दै गिर.फ्तार गरेर काभ्रे पुर्याइएको थियो ।

    त्यस्तै जिल्ला अदालत काभ्रेले पनि रिहाइको आदेश दिएलगत्तै प्रहरीले पुनः गि रफ्तार गरी उनलाई भोजपुर पुर्याएको थियो । भोजपुरमा प्रहरी हिरासतमा रहेको बेला उनलाई यातना समेत दिइएको पारिवारिक स्रोतले बताएको छ ।

    तर भोजपुरबाट रिहा हुनेबितिक्कै सङ्खुवासभामा हातहतियार तथा साङ्गठनिक अपराधसम्बन्धी मुद्दा रहेको भन्दै प्रहरीले नेता वीरजङ्गलाई पुनः गिरफ्तार गरेको थियो ।

    प्रतिकृया दिनुहोस्