काठमान्डौं । नेपालमा तिब्र गतिमा फैलिरहेको कोरोनाका कारणा अस्पतालमा बेडको अभाव हुन थालेपछि होम आइसोलेसनमा उपचार गराउनु पर्ने बाध्यता छ । यसैबिच कोरोना पोजिटिभ ‘होम आइसोलेसन’मै राखिएका ४५ वर्षीय कामत थरका पुरुषको बिहीबार राति ज्यान गएको छ ।
अहिले मृतकको शव व्यवस्थापनका लागि नेपाली सेनाको टोलीले लैजाने तयारी गरिरहेको छ । विराटनगर महानगरपालिका–६ सरोचियामा अस्पताल नलग्दा ‘होम आइसोलेसन’मै उनको ज्यान गएको हो । उनको ‘स्वास्थ्य अवस्था गम्भीर बन्दै गएपछि अस्पतालको आइसोलेसनमा लैजाने तयारी हुँदै थियो’ । ‘तर बेड खाली नभएको भन्दै अस्पतालले लिन नमानेपछि घरमै संक्रमितले ज्यान गुमाउनुपर्ने अवस्था आएको परिवार स्रोतले बताएको छ ।
त्यस्तै पछिल्लो समय बिराटनगरमा अस्पतालले भर्ना लिन नमान्दा ३ जनाको ज्यान गइसकेको छ , भने कोरोना कारण ९ जना पुरुषले ज्यान गुमाइसकेका छन् । कोभिड अस्पतालले आइसोलेसन बेड नभएको भनेर बिरामी अस्वीकार गर्दा संक्रमितले उपचार नै नपाएर ज्यान गुमाउनु पर्ने अवस्था आएको भन्दै स्थानिय आक्रोसित भएका छन् ।