News Portal

  • उपत्यकामा अहिले सम्मकै धेरै १६८ सहित देशभर ५८१ कोरोना संक्रमित थपिए, जम्मा २७ हजार २४१ संक्रमित पुगे

    डबली संवाददाता२०७७ भदौ १ गते
    २७७ पटक

    काठमाडौँ । सोमबार स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार पछिल्लो २४ घण्टामा ५८१ संक्रमित थपिएका छन् । ति मध्ये १७३ महिला र ४०८ पुरुष रहेका छन् । हालसम्म देशभर कोरोना संक्रमितको संख्या २७ हजार २४१ पुगेको छ ।

    आज काठमाडौं उपत्यकामा १६८ कोरोना संक्रमित थपिएका छन् । काठमाडौंमा १३९, ललितपुरमा १५ र भक्तपुरमा १४ जना कोरोना संक्रमित देखिएका छन्् ।

    आजको सहित काठमाडौं उपत्यकामा कूल संक्रमितको संख्या २१३५ पुगेको छ । ति मध्ये काठमाडौंमा १७०६ ललितपुरमा २८३ र भक्तपुरमा १४६ संक्रमित पुष्टि भएका छन्।

    त्यस्तै आज नेपालमा कोरोना भाइरसबाट थप ३ जनाको ज्यान गएको छ । यससँगै कोरोनाबाट ज्यान गुमाउनको संख्या १०७ जना पुगेको छ ।

    पछिल्लो २४ घण्टामा देशभरका ११ हजार ५२० जनाको पीसीआर परीक्षण गरिएको छ । हालसम्म जम्मा ५ लाख २९ हजार ४२७ जनाको पीसीआर परीक्षण गरिएको छ । देशभरका विभिन्न अस्पतालका आइसोलेसनमा रहेका व्यक्तिहरुको संख्या ७ हजार ३८ छन् ।

    देशभरका विभिन्न अस्पतालबाट १६० जना डिस्चार्ज भएका छन् । त्यसैगरी हालसम्म १७ हजार ४९५ जना डिस्चार्ज भएका छन् । आज सम्म देशभर सक्रिय संक्रमितको संख्या १० हजार ६३९ रहेको छ ।

    प्रतिकृया दिनुहोस्