News Portal

  • नेपालमा कोरोना संक्रमितको संख्या २४ हजार ९५७ पुग्यो, विहीबार ५ सय १२७ थपिए

    डबली संवाददाता
    १७७ पटक

    काठमाडौं । नेपालमा कोरोना संक्रमितको संख्या २५ हजार नजिक पुगेको छ । स्वास्थ्य तथा जनसंख्या मन्त्रालयका अनुसार बितेको २४ घण्टामा देशभर थप ५२५ जनामा कोरोनाभाइरस संक्रमण पुष्टि भएको छ ।

    मन्त्रालयका प्रवक्ता डा जागेश्वर गौतमले  विहीबार नियमित प्रेस ब्रिफिङमा उपत्यकाका १२७ सहित ५२५ जनामा संक्रमण पुष्टि भएको जानकारी दिए। उपत्यकाका संक्रमितमा काठमाडौंका १११, ललितपुरका ११ र भक्तपुरका ५ गरी १२७ जना रहेको गौतमले जानकारी दिए ।

    संक्रमितको तुलनामा निको हुनेको संख्या निकै कम हुँदै गएको छ । विहीबार थप १०९ जनाले कोरोना जितेर घर फर्किएका छन् । योसँगै हालसम्म निको हुनेको कुल संख्या १६ हजार ८३७ जना पुगेको छ ।

    विहीबारसम्म आउँदा संक्रिय संक्रमितको संख्या बढ्दै गएको छ । प्रवक्ता गौतमका अनुसार विहीबार देशभर ८ हजार २५ जना सक्रिय संक्रमित रहेका छन् । त्यस्तै,क्वारेन्टिनमा १४ हजार ७६९ जना रहेका छन् ।
    त्यसैगरी विहीबार थप ४ जनाको कोरोनाका कारण ज्यान गएको पुष्टि भएको छ ।  हालसम्म कोरोनाबाट ९५ जनाको मृत्यु भएको छ ।

    यसैबीच प्रदेश नम्बर १ मा बिहीबर ११५ जनामा कोरोना संक्रमण पुष्टि भएको छ । तीमध्ये ६० जना मोरङको विराटनगर महानगरपालिकाका छन् । प्रदेश १ को सामाजिक विकास मन्त्रालयका अनुसार मोरङमा ८८, सुनसरीमा १९, इलाममा ४, झापा र उदयपुरमा १–१ र प्रदेश १ बाहिरका जिल्लाका २ जनामा बिहीबार संक्रमण पुष्टि भएको छ ।

    बिहीबार विराटनगर महानगरपालिका भित्रका ३८ पुरूष र २२ महिलालाई कोरोना संक्रमण पुष्टि भएको हो । विराटनगरका संक्रमित कुन ठाउँका हुन् भन्ने खुलेको छैन । महानगरका जनस्वास्थ्य महाशाखा प्रमुख रमेश कार्कीका अनुसार विराटनगरमा कोरोना संक्रमितको संख्या ४ सय १५ पुगेको छ । संक्रमितमध्ये ६९ जना कोरोनामुक्त भई फर्किएका छन् ।

    कोशीमा फेरि एक नर्सलाई कोरोना संक्रमण पुष्टि भएको छ । कोशी अस्पताल विराटनगरमा बिहीबार १ जना नर्समा कोरोना संक्रमण पुष्टि भएको छ । स्पतालका मेडिकल सुपरिटेण्डेन्ट डा. चुमनलाल दासका अनुसार अब संक्रमित स्वास्थ्यकर्मीको संख्या १८ पुगेको छ ।

    प्रतिकृया दिनुहोस्