काठमाडौं । भारतको चर्चित सन्चारमाध्यम हिन्दुस्थान टाईम्सका अनुसार भारतका चिफ अफ डिफेन्स स्टाफ (सीडीएस) विपिन रावतले सीमा क्षेत्रमा चीनलाई टक्कर दिन भारतीय सेना तयार रहेको बताएका छन् । उनले यो कुरा संसदीय समितिलाई बताएका हुन् । उनले चीनले सीमा क्षेत्र आसपासका क्षेत्रमा झण्डै ४० हजार सैनिक तैनाथ गरेको दाबी गदैे भारत चीनको कुनैपनि दुस्साहसको जवाफ दिनका लागि भारतपूर्ण रुपमा तयार रहेको बताएका छन् ।
चिनियाँ शिनजियाङ्गमा तैनाथ सैनिकहरु तीव्र रुपमा भारतीय क्षेत्रमा प्रवेश गरेको उल्लेख गदै त्यसका लागि आवश्यक व्यवस्था पनि गरिएको र भारत कुनैपनि अवस्थाको सामना गर्नका लागि तयार रहेको जिकिर गरेको छन् ।
त्यस्तै सेनाका शिर्ष अधिकारीले संसदको लेखा समितिमा एलएसीमा चीनले अभ्यासको नाममा सीमा क्षेत्रमा निर्माणको काम गरेको जानकारी गराएका थिए ।
यता चिनले भारतसँग रणनीतिक विश्वासलाई बलियो बनाउनु आफ्नो पहिलो प्राथमिकता रहेको बताउदै आफू शान्तिपूर्ण रुपमा समस्या समाधानको पक्षमा रहेको चीनिया विदेश मन्त्रालयले जनाएको छ ।
यो बिबाद भारत र चीनबीच ३,४४० किलोमिटर लामो सीमा को बिषयमा लामो समय देखि जारी छ र विभिन्न स्थानका क्षेत्रलाई लिएर दुबै देशको आआफ्नै दाबी रहेको छ ।
पछिल्लो समयमा सीमामा गस्तीका लागि खटिएका अधिकारीहरू सयौँ पटक एक अर्काको आमुन्ने सामुन्ने भएका छन् । त्यस क्षेत्रमा कोरोना माहामारी कै बिचमा भिडन्त हुदा दुबै देशले क्षेति बेहार्नु परेको थियो ।
यो घटनाले दुई देशबीच विश्वासको कमीलाई झन् प्रोत्साहन दिएको छ र बिबाद नियन्त्रण बाहिर जान नदिन उच्च तहबाटै राजनीतिक हस्तक्षेपहरु पनि भईरहने गरेको छन् ।
