काठमान्डौं । कोरोना ( कोभिड–१९) भाइरसको उद्गम स्थल चिनमा गरिएको एक अध्ययनले कोरोना निको भएपछि पनि फोक्सो क्षतिग्रस्त अवस्था मै रहन्छ भन्ने तथ्य देखाएको छ । अध्ययनको पहिलो चरणको नतिजामा अनुसार ९० प्रतिशत अर्थात् ९० जना बिरामीको फोक्सो अझै क्षतिग्रस्त अवस्थामै रहेको पाईएको छ । जसको अर्थ उनीहरुको फोक्सोको भेन्टिलेशन र ग्यास एक्सचेन्ज कार्य अझै स्वस्थ व्यक्तिहरुको स्तरमा आइसकेको छैन भन्ने हो भनेर उल्लेख छ ।
चिनियाँ सरकारी सञ्चारमाध्यम ग्लोबल टाइम्समा प्रकाशित उक्त समाचारका अनुसार कोरोनाबाट निको भएका ५ प्रतिशतमा फेरि पोजेटिभ नतिजा देखिएपछि उनीहरुलाई क्वारेन्टाइनमा राखिएको उल्लेख छ भने कोराना बाट संक्रमित भएर निको भइसकेका १ सय बिरामी मध्ये ९० प्रतिशतमा अझै फोक्सोको समस्या देखिएको अध्ययनले देखाएको छ ।
त्यसैले निको भइसकेका केही बिरामीहरु अस्पतालबाट डिस्चार्ज भए पनि तीन महिनापछि पनि अझै अक्सिजन मेसिनको सहारा लिन बाध्य छन् रहेको उल्लेख छ । र केहि कोरोना बिरामीहरुमा डिप्रेसन को समस्या भएको पनि रिपोर्टमा जनाइएको छ ।
दोङजिमिन अस्पतालका डाक्टर लियाङ तेन्गसियओका अनुसार पेन्गको टिमले बिरामीहरुलाई ६ मिनेट हिँडाएर परीक्षण गरेको थियो जस्मा एक स्वस्थ व्यक्तिले ६ मिनेटमा ५ सय मिटर हिँड्न सक्छन् । तर कोरोनाबाट निको भएकाहरु ६ मिनेटमा ४ सय मिटर मात्रै हिंड्न सकेका थिए ।
चिनको झोङनान अस्पताल र उहान विश्वविद्यालयले अस्पतालका इन्टेन्सिभ केयर युनिटका निर्देशक पेन्ग झियोङको नेतृत्वमा गत अप्रिल यता १ सय जना बिरामीहरुको निरन्तर फलो अप गरिरहेको छ । त्यस्तै अर्को लियाङको टिमले निको भइसकेका ६५ वर्षमाथिका बिरामीहरुको पनि फलो अप गर्दैछ ।
