काठमान्डौं । नेपाल कम्युनिस्ट (नेकपा) भित्र चौथो समूहको जन्म भएको छ । प्रधानमन्त्री तथा पार्टी अध्यक्ष केपी शर्मा ओली र अर्का अध्यक्ष प्रचण्ड, नेता माधवकुमार नेपाल समूह सक्रिय रहेकै बेला सचिवालय सदस्य तथा गृहमन्त्री रामबहादुर थापा ‘बादल’ले पनि समूह बनाएका छन् ।
बादलले सानेपास्थित एक होटलमा आफ्ना समूहका नेताहरुलाई बोलाएर छलफलसँगै (नेकपा) भित्तार चौथो समूहको औपचारिक रुपमा जन्म भएको हो । बादल समूहको छलफलमा ३५ जना केन्द्रीय सदस्यहरु सहभागी भएको बताइएको छ । भेलमा ओलीसँग सहकार्य गर्ने वा प्रचण्ड-नेपाल समूहसँग मिलेर जाने भन्ने विषयमा छलफल भएको एक नेताले बताए । त्यस्तै सानेपाको होटलमा जम्मा भएका थापा पक्षका नेताहरु मन्त्री क्वार्टरमा पनि पुगेर छलफललाई निरन्तरता दिएका थिए ।
पार्टीभित्र अहिले गम्भीर समस्या आइपरेको हुनाले कसरी अघि बढ्न सकिन्छ र के धारणा बनाउन सकिन्छ भनेर छलफलमा जुटिएको एक नेताले जानकारी दिएका छन । त्यसै गरी छलफलमा सहभागी केही नेताहरुले दाहालसँग मिलेर जानुपर्ने धारणा राखेका थिए भने केही नेताहरुले महाधिवेशनसम्म ओलीसँगै मिलेर जानुपर्ने धारणा राखेको थिए ।
मुख्यतः पार्टी एकता जोगाउन सक्दो भूमिका निर्वाह गर्ने र अहिले देखिएको पार्टी भित्रको आन्तरिक समस्या समाधानको बाटो निकाल्न बहस केन्द्रित भएको पनि बताए ।छलफलमा सहभागि नेताहरुले महाधिवेशनसम्म ओलीसँग मिल्दा नै अधिकतम उपलब्धी हुने जिकिर गरेको पनि बताए ।
त्यस्तै पार्टीभित्र देखा परेका समस्या समाधान गर्न महाधिवेशनमार्फत समाधान गर्नुपर्ने बादलको धारणा थियो । एमसीसी, संसद विघटन, राष्ट्रपति शासन, अध्यादेश लगायतका विषयमा भने सहमत हुन नसकेको छलफलका निकर्ष छ ।
एकताबद्ध पार्टीले मात्र आगामी महाधिवेशनबाट समाजवादको मुर्त कार्यदिशा निर्माण र लागू गर्न सक्षम हुने थापा निकट केन्द्रिय सदस्यले बताएका छन ।
त्यस्तै अध्यक्ष ओली र कार्यकारी प्रचण्ड-नेपालले समेत आफू पक्षका नेताहरुलाई बोलाएर छलफल शुरु गरेका छन् । प्रधानमन्त्री ओलीको कार्यशैलीलाई लिएर चर्को राजिनामा माग गरिएकोले सचिवालय बैठक नै अलपत्र परेको छ । ओलीले एको तर्फी रुपमा स्थायी समिति बैठक स्थगित गरेसँग थप विवाद चर्किएको छ ।
