News Portal

कोरोना जोखिम कायमै थप ३११ जनामा कोरोना संक्रमण, काठमाडौंमा मात्रै ४८ जना

डबली संवाददाता२०७७ साउन १३ गते
१३९ पटक

काठमान्डौ । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार मंगलबार थप ३११ जनामा कोरोना भाइरस (कोभिड (१९) संक्रमण देखिएको छ ।

सोमबार १३९ जनामा कोरोना संक्रमण देखिएको थियो भने सोमबारको तुलनामा नेपालमा कोरोनाको संख्या ह्वात्तै बढेको हो । आज सम्म कोरोनाका संक्रिय बिरामीहरुको संख्या ५ हजार १सय ३९ पुगेको छ ।

त्यस्तै पछिल्लो २४ घन्टामा १२१ जनाले कोरोना जितेर घर फर्किएका छन ्। आज सम्म कोरोना जित्नेको कुल संख्या १३ हजार ८७५ पुगेको छ ।
त्यस्तै क्वारेन्टाइनमा रहनेको संख्या १५ हजर ३३१ पुगेको छ । मन्त्रालयका अनुसार आइसोलेसनमा ५ हजार १ सय २९ जनाको उपचार भइराखेको छ ।

आज प्रदेश १ मा २१७ जना, प्रदेश २ मा १ हजार ९ सय २२ जना , बागमती प्रदेशमा ४६१ जना, गण्डकी प्रदेशमा २६० जना , प्रदेश ५ मा ३९९ जना, कर्णाली प्रदेशमा ३७९ जना र सुदूरपश्चिम प्रदेशमा १ हजार ५०१ जना रहेका छन्। आजको नयाँ संक्रमित सहित कूल संक्रमितको संख्या १९ हजार ०६३ पुगेको छ ।

प्रवक्ता डा. गौतमको अनुसार काठमाडौंमा मात्रै ४८ जनामा कोरोना भाइरस संक्रमण पुष्टि भएको जानकारी दिएका छन

प्रतिकृया दिनुहोस्