काठमाडौँ । नेपाल सरकारले भदौदेखि विद्यार्थी भर्ना र परीक्षा सञ्चालन गर्ने निर्णय गरेसँगै पोखरा विश्वविद्यालय परिक्षा नियन्त्रण कार्यलयले कोराना भाईरसका कारण रोकिएका स्नातक र स्नातकोत्तर तहका परीक्षाहरु भदौको अन्तिम साताबाट सुरु हुने सुचना जारी गरेको छ ।
विश्वविद्यालयले सोमबार जारी गरेको सुचनामा भनिएको छ, कोरोना भाइरसको महामारीका कारण स्थगित परिक्षा भदौको अन्तिम साताबाट परीक्षा सुरु गरेर दशैँअघि नै सम्पन्न गर्ने गरी काम भइरहेको छ ।
त्यस्तै लामो दूरीका गाडी भदौ १ बाट सञ्चालनमा आउने, विद्यार्थीहरू देशका विभिन्न भागमा छरिएर रहेकाले भदौ सुरुमा परीक्षा सञ्चालन गर्न नसकिने तर भदौको अन्तिमबाट परीक्षा सञ्चालन गर्न सम्भव हुने र सञ्चालन गर्दा सरकारले जारी गरेको स्वास्थ्य सुरक्षा मापदण्ड अपनाई परिक्षा गर्ने जनाएको छ ।
विश्वविद्यालयले पदाधिकारी विहीन रहेको र पदाधिकारी नियुक्ति भएसँगै परीक्षाको कार्यतालिका सार्वजनिक गर्ने भन्दै विश्वविद्यालयले विद्यार्थी, शिक्षक र कलेजहरुलाई आ–आफ्नो तयारीमा जुटन समेत अनुरोध गरेको छ ।
