आज :

रोल्पाली कम्युनिस्टहरुका अभिभावक बर्मन बुढाको अन्त्येष्टि 

काठमाडौं । रोल्पाका अग्रज कम्युनिस्ट नेता बर्मन बुढाको अन्त्येष्टि गरिएको छ । उपचारको क्रममा बुधबार बिहान निधन भएका कम्युनिस्ट नेता बुढाको पशुपतिस्थित विद्युतीय श’वदाहगृहमा अन्त्येष्टि गरिएको हो ।

थवाङ घर भएका ९० वर्षीय बुढा रोल्पाका पहिलो कम्युनिस्ट नेता समेत मानिन्छन् । बुढाको ललितपुरस्थित पाटन अस्पतालामा उपचारको क्रममा बुधबार बिहान निधन भएको थियो । एक वर्ष पहिलेदेखि आन्द्राको क्यान्सरबाट पीडित थिए ।

पूर्वसांसदसमेत रहनुभएका बुढाको अन्त्येष्टिको लागि उपराष्ट्रपति नन्दबहादुर पुन, (नेकपा) प्रचण्ड सहभागी पशुपति पुगेका थिए । पुनले राष्ट्रिय झण्डा र प्रचण्डले पार्टीको झन्डा ओढाएर अन्तिम श्रद्धाञ्जली दिएका थिए ।

नेकपा क्रान्तिकारी (माओवादी)का अध्यक्ष मोहन वैद्य, सभामुख अग्निप्रसाद सापकोटा, पूर्वसभामुखहरु कृष्णबहादुर महरा र ओनसरी घर्ती, ऊर्जामन्त्री वर्षमान पुनलगायतका नेताहरु पनि बुढाको अन्त्येष्टिको लागि पशुपति पुगेका थिए ।

कम्युनिस्ट विचार र सिद्धान्तमा अडिग सरल स्वाभावका बुढाले तत्कालीन एकता केन्द्रको तर्फबाट २०४८ सालमा रोल्पाबाट प्रत्यक्ष निर्वाचित भएका थिए ।

प्रतिक्रिया

About us

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम २०७१ सालदेखि निरन्तर चलिरहेको छ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार र समाचार सामाग्री हाम्रो अनलाइनको प्राथमिकता हो ।

सम्पर्क

Dabali Media Pvt. Ltd.
Anamnagar Kathmandu
Phone : 01-4771244
[email protected]
[email protected]

हाम्रो टीम

डबली मिडिया प्रा.लि. द्वारा संचालित 
अनलाइन डबली डटकम को लागि

अध्यक्षः दिपेन्द्र रावल
सम्पादकः धनन्‍जय बुढा

कार्यकारी सम्पादक : देवीराम देवकोटा
दर्ता नं. १५४/०७३-७४

Copyright © 2021 Online Dabali | Powered By EasySoftnepal