धनगढी । नेपाल कम्युनिस्ट पार्टीका सेती महाकाली ब्यूरो इन्चार्ज ओमप्रकाश पुनलाई प्रहरीले सार्वजनिक गरेको छ । बुधबार विहान कैलालीको फुलबारी क्षेत्रबाट गिर’फ्तार गरिएका नेता पुन र महिला नेतृ तथा पुनकी श्रीमति पूर्णीमा धामीलाई पनि प्रहरीले सँगै सार्वजनिक गरेको छ ।

कैलाली जिल्ला प्रहरी कार्यालयका प्रहरी नायव उपरिक्षक प्रतिक विष्टका अनुसार नेता पुनलाई धनगढी उपमहानगरपालीका वडा नम्बर ७ वेली स्थित सडक खण्डबाट प्रहरीले गिर’फ्तार गरेको थियो ।

प्रहरीले म्याद थप गरेर थप अनुसन्धान गर्ने बताएको छ । प्रहरी स्रोतका अनुसार नेता पुनलाई बिस्फोट तथा राज द्रोहको मुद्धा लगाउने तयारी गरिरहेको छ । नेता पुनको कुनै पनि घटनामा संलग्नता नदिएका कारण राजद्रोहको मुद्दा लगाउने प्रहरीले स्रोतले बताएको छ ।