News Portal

  • संखुवासभामा पहिरोले ११ जनालाई पुर्यो, देशभर मृत्यु हुनेको संख्या ८८

    डबली संवाददाता२०७७ असार २८ गते
    ६२९ पटक

    काठमाडौँ । अविरल बर्षासँगै केही दिनदेखि देशका विभिन्न जिल्लाहरुमा बाढीपहिरोबाट ठूलो जनधनको क्षति भइरहेको छ । यसैबीच शनिबार राति संखुवासभामा पहिरोमा परी ११ जना हराएका छन् । सिलिचोङ गाउँपालिकामा गएराति पहिरोले ८ घर समेत बगाएको छ ।

    घटनास्थलमा प्रहरी पुग्न नसकेकोले क्षतिको एकिन विवरण आउन सकेको छैन । स्थानीयका अनुसार शनिबार मध्यराति गएको पहिरोमा परी ८ घर बगाएको छ भने अन्य स्थानमा पनि पहिरो गएको छ ।

    मनसुन सुरु भएपछि अहिलेसम्म देशभर ८८ जनाको ज्यान गइसकेको छ । भने ३६ जना अझै हराईरहेका छन् । बाढीबाट १९ जिल्ला बढी प्रभावित भएका छन् । राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार म्याग्दी, सिन्धुपाल्चोक, पर्वत, बझाङ, कास्की, जाजरकोट, पाल्पा, लमजुङ, गुल्मी, झापा, चितवन, सल्यान, कालीकोट, सुर्खेत, गोरखा, स्याङ्जा, बाग्लुङ, डोटी र दार्चुला बढी प्रभावित भएका छन् । प्राधिकणका अनुसार सबैभन्दा धेरै म्याग्दीमा २७, पर्वत र जाजरकोटमा ९–९, बझाङ र

    कास्कीमा ७–७ जना, गुल्मीमा ५, पाल्पा र लमजुङमा ४–४ जना, सिन्धुपाल्चोकमा ३ जनाको ज्यान गएको छ । रुकुम पश्चिम २, दार्चुलामा २ जना, गोरखा, स्याङजा, बाग्लुङ, डोटी, सल्यान, कालिकोट, सुर्खेत, झापा र चितवनमा एक÷एक जनाले ज्यान गुमाएका छन् ।

    त्यसैगरी बाढीपहिरोमा परी अझै ३५ जना हराइरहेका छन् । खोजीकार्य जारी रहेपनि अहिलेसम्म नभेटिएको प्राधिकरणले जनाएको छ । सबैभन्दा धेरै सिन्धुपाल्चोकमा २०, म्याग्दीमा ४, जाजरकोटमा ५ जना, बझाङमा एक, झापामा एक जना हराइरहेका छन् । बझाङको कालंगा र बर्दियाको बबई नदीमा दुईरदुई गरी ४ जना हराईरहेका छन् ।

    प्रतिकृया दिनुहोस्