News Portal

  • लकडाउनको १०९ औं दिनः आजबाट सार्वजनिक यातायात र ट्याक्सी चल्ने, भाडा वृद्धिको विरोध

    डबली संवाददाता२०७७ असार २६ गते
    ४४३ पटक

    काठमाडौं । कोरोना रोकथाम तथा नियन्त्रणको लागि भन्दै जारी लकडाउनको १०९ औं दिनमा सार्वजनिक यातायात संचालन हुने भएका छन् । सरकारले छोटो दूरीका सवारी सधानलाई काठमाडौँ उपत्यका र जिल्लाभित्र मात्रै संचालन गर्न दिने निर्णय गरेसँगै आजबाट भाडाका यातायात चल्ने भएका हुन् ।

    लकडाउन जारी भएको झण्डै चार महिनासम्म नचलेका यातायातका साधनहरु चल्ने भएपनि मानिसहरुको कोरोनाका त्रासका कारण उत्साहित छैनन् । आफूहरुले यात्रु बोक्न पाउने पर्ने भन्दै ट्याक्सी व्यवसायीहरुले आन्दोलन गरिरहेका थिए । यातायात व्यवसायीहरुले पनि कर र किस्ता तिर्न गारो भएको भन्दै मापदण्ड पूरा गरी संचलानको माग गरिरहेका थिए ।

    सरकारका प्रवक्ता तथा अर्थ र संचार तथा सूचना प्रविधिमन्त्री युवराज खतिवडाले काठमाडौं उपत्यकाको हकमा काठमाडौं, ललितपुर र भक्तपुर जिल्लाभित्र र उपत्यका बाहिरको हकमा सम्बन्धित जिल्लाभित्र मात्र सार्वजनिक यातायातका साधन चलाउन पाइने जानकारी दिए । मन्त्रिपरिषदले सिट क्षमताको बढीमा आधा यात्रु राखेर छोटो दुरीको यातायात सञ्चालन गर्न दिने निर्णय गरेको हो ।

    मन्त्री खतिवडाले चालक र सहचालकले मास्क र यात्रुले मास्क अनिवार्य लगाउनुपर्नेछ । साथै, भाइजर र पञ्जा अनिवार्य लगाउनुपर्नेछ । ढोका र यातायातका साधनभित्र स्यानिटाइजर राख्नुपर्नेछ । साथै सामाजिक दूरी कायम गर्न सिटको एउटा पंक्तिमा एक जनामात्र राख्नुपर्नेछ । एक दिनमा एक पटक यातायातको साधन निसंक्रमण पनि गर्नुपर्नेछ । सरकारको यो निर्णयअनुसार लामो दुरीका सार्वजनिक यातायातका साधन अझै सञ्चालन गर्न पाइनेछैन ।

    सरकारले ट्याक्सीमा चालकबाहेक दुई जनासम्म यात्रु राख्न पाउने निर्णय गरेको छ । एउटै परिवारको सदस्य भए ५ वर्षमुनिका बालबालिकालाई पनि राख्न छुट पनि दिईएको छ । सार्वजनिक यातायातजस्तै ट्याक्सी पनि उपत्यकाको हकमा तीन जिल्ला र बाहिर जिल्लाभित्र मात्र चलाउन पाउनेछन् । मापदण्ड पूरा गरेका यातायात आजैबाट संचालनमा आउनेछन् ।

    यातायात संचालन हुने भएपनि एकै पटक ५० प्रतिशत भाडा बढाएर लिन सक्ने सरकारले निर्णय गरेपछि सर्वधारणले विरोध जनाएका छन् । उपभोक्त हित संरक्षणलगायतका सरोकारवाला निकाय र व्यक्तिहरुले एकै पटक ५० प्रतिशत भाडा बढाएर ढाँड सेक्ने काम गरेको बताएका छन् । उनीहरुले भाडा बढ्नेमा सहमत भएपनि एकै पटक ५० प्रतिशत भाडा वृद्धिको विरोध जनाएका छन् ।

    सरकारले एकै पटक ५० प्रतिशत भाडा लिन पाउने निर्णय गरेपछि यातायात व्यवसायीहरुले मनपरी अझै बढाएर भाडा लिन सक्ने भन्दै सरोकारवालाहरु चिन्ता व्यक्त गरेका छन् ।

    प्रतिकृया दिनुहोस्