News Portal

  • भारी बर्षासँगै बाह्रबिसेमा पहिरो, दुई जनाको ज्यान गयो, १८ जनालाई बगायो

    डबली संवाददाता२०७७ असार २५ गते
    ६१४ पटक

    काठमाडौँ । अबिरल बर्षासँगै आएको बाढी-पहिरोका कारण सिन्धुपाल्चोकको बाह्रबिसेमा दुई जनाको ज्यान गएको छ । गएराति ११ बजेबाट आएको बाढीले १८ जना बगाएको छ । भोटेकोशो र ठाडोखोलाको जलाधार क्षेत्रमा भारी बर्षासँगै बाढी आएको हो ।

    भोटेकोशी र ठाडोखोलामा आएको बाढीले ठूलो क्षति पुगेको बाह्रबिसे नगरपालिकाको खाटचौर भन्ने स्थानमा अरनिको राजमार्गको पक्की पुल समेत बगाएको स्थानीयले बताएका छन् ।

    रातिबाट परेको बर्षासँगै विहानतिर मानव बस्तीमा प्रवेश गरेको बताइएको छ । बाढीले जम्बो भन्ने स्थानमा आएको बाढीले ८ भन्दा बढी घर बगाएको छ । रातिको समय भएकोले मानव क्षति बढी भएको हो ।

    हराएकाहरुको स्थानीयले खोजीकार्य गरिरहेको छ । बाटो अवरुद्ध भएका कारण प्रहरी घटनास्थलसम्म पुग्न सकेको छैन । स्थानीयको लाखौंको क्षति भएको बताइएपनि एकिन विवरण आउन सकेको छैन । मौसमविदले चारदिनसम्म भारी वर्षा हुने सम्भावना रहेको भन्दै सतर्क रहन समेत भनेका छन् ।

    प्रतिकृया दिनुहोस्