काठमाडौँ । नेपालमा पछिल्ला दिनहरुमा कोरोना संक्रमणसँगै निको हुनेको संख्या पनि बढिरहेको छ । दुई दिनयता दैनिक संक्रमित भन्दा निको हुने धेरै छन् । बुधबार देशभरीको विवरणमा दुई जना मात्रै संक्रमित धेरै छन् भने कर्णाली प्रदशमा संक्रमित भन्दा निको हुने धेरै छन् ।
त्यसैगरी बुधबार प्रदेश नम्बर १ को सामाजिक विकास मन्त्रालयले सार्वजनिक गरेको विवणअनुसार संक्रमित भन्दा निको हुने धेरै छन् । बुधबार प्रदेश १ मा थप १७ जना कोरोना संक्रमित छन् । मोरङमा ३, झापामा ७, सुनसरी, इलाम र ताप्लेजुङमा २–२ जना र तेह्रथुममा १ जनामा संक्रमण देखिएको हो ।
मोरङको लेटाङ नगरपालिकामा एक जना पुरुष र धनपालथानमा २ जना पुरुष, झापाको मेचीनगरमा एक जना महिला, ४ जना पुरुष, विर्तामोड र हल्दिबारीमा १द्द१ जना पुरुष, सुनसरीको इटहरीका २ जना पुरुष, तेह्रथुमको लालीगुराँसमा एक जना पुरुष, ताप्लेजुङको फुङलिङमा एक जना महिला र एक जना पुरुष, इलामको सन्दकपुरमा २ जना पुरुषमा संक्रमण पुष्टि भएको मन्त्रालयले जनाएको छ । योसँगै प्रदेश १ मा कोरोना संक्रमितको संख्या ७ सय २ पुगेको छ ।
त्यसैगरी बुधबार नै प्रदेश नम्बर १ बाट झापा, मोरङ, सुनसरी र इलामका गरी ४९ जना निको भएर घर फर्र्किएका छन् । सामाजिक विकास मन्त्रालयका अनुसार वीपी कोइराला स्वास्थ्य विज्ञान प्रतिष्ठान धरानबाट १४ र पूर्वाञ्चल विश्वविद्यालय कोभिड अस्पतालबाट ३५ जना डिस्चार्ज भएका छन् । डिस्चार्ज भएर घर फर्किनेमा ३९ जना पुरुष र १० जना महिला छन् ।
बुधबार ४९ जनाले कोरोना जितेसँगै प्रदेश १ बाट निको हुनेको संख्या ५ सय २७ पुगेको छ । अब प्रदेश नम्बर १७५ जना मात्रै संक्रमित रहेका छन् ।
बुधबार थप २५५ जनामा कोरोना भाइरस संक्रमण भएको पुष्टि भएसँगै नेपालमा संक्रमितको संख्या १६ हजार ४२३ पुगेको छ । त्यस्तै, बुधबार नै थप २५३ जनाले कोरोनासँग जितेर घर फर्केका थिए । योसँगै देशभरबाट ७ हजार ७५२ जनाको उपचारपछि घर फर्केका छन् ।
- फाइल फोट
