काठमाडौं । सरकारले संसदमा दर्ता गराएको संविधान संशोधन विधेयक पारित हुँदैछ । त्यसको लागि संघीय संसदको प्रतिनिधिसभाको बैठक सुरु भएको छ ।

नयाँ नक्सासहित संविधानको अनुसूचीमा रहेको निशान छाप संशोधनको लागि संविधान संशोधन विधेयक दर्ता गरेको थियो । सोही विधेयकलाई पारित गर्न आजको बैठक आह्वान गरिएको हो ।

समाजवादी पार्टीकी नेतृ सरिता गिरीले संविधान संशोधन प्रस्ताव खारेज गर्न समाजवादी पार्टीकी सांसद सरिता गिरीले दर्ता गराएको प्रस्तामा छलफल समेत नुहने भएको छ ।

भारतले अतिक्रमण गरेका लिम्पियाधुरा, लिपुलेक र कालापानीसहितको नयाँ नक्साअनुसार संविधानको अनुसूची संशोधन गर्न सरकारले पेश गरेको संशोधन विधेयक खारेज गर्न सांसद गिरीले संशोधन दर्ता गरेकी थिइन् । उनकै पार्टीले संशोधन फिर्ता लिन निर्देशन दिएको थियो तर अहिलेसम्म गिरीले फिर्ता लिएकी छैनन् । उनले पार्टीको निर्देशन नमान्ने बताएकी छन् ।