News Portal

कर्णालीमा पनि कोरोनामाथि जित सुरु, ७ जना निको भई घर फर्के

डबली संवाददाता२०७७ जेठ २३ गते
३८९ पटक

सुर्खेत । केहि समय अगाडीसम्म कर्णाली प्रदेशमा कोरोना नदेखिए पनि अहिले यो रोग गाउँगाउँसम्म पुग्न थालेको छ । शुक्रबारसम्म ४ सय ८९ जनामा संक्रमण पुष्टि भएसँगै ७ जनाले पहिलो पटक कोरोनामाथि जित प्राप्त गरेर घर फर्किएका छन् ।
लामो समयदेखि कर्णाली प्रदेश अस्पताल सुर्खेतमा उपचार गर्दै आएका उनिहरुलाई अस्पताल परिसरमै पुगेर सामाजिक विकास मन्त्री दल रावलले बधाई दिएका थिए ।

कर्णाली प्रदेश अस्पताल सुर्खेतको कोभिड–१९ उपचार केन्द्रमा रहेका ६ पुरुष र एक महिला संक्रमित पूर्णरुपले निको भएपछि घर पठाइएको छ । सञ्चारकर्मीसँग निको भएका युवा–युवतीले अनुभूति साट्दै, अरु उपचाररथ सम्पूर्ण संक्रमितहरुलाई नआत्तिन र आत्मबल दरो बनाउन सल्लाह दिएका थिए । कोरोना मुक्त भएका युवा–युवतीहरुलाई बिदाई गरेका मन्त्री रावलले अनलाईन डबलीसँग कुरा गर्दै, निको भएकाहरुको अत्मबल हेर्दा कोरोना विरुद्धको लाडाई जित्न सकिन्छ भन्ने विश्वास बलियो भएको धारणा व्यक्त गरे ।

प्रदेश अस्पताल सुर्खेतका अनुसार दैलेखका एक, सुर्खेतका ५ जना र एक जना परिचय नखुलेकी महिला गरी ७ जना डिस्चार्ज भएर घर फर्केका हुन् । उनका अनुसार तीमध्ये एक जना दैलेख महाबु गाउँपालिका र अरु सबै सुर्खेतका हुन् । जसमा वीरेन्द्रनगर नगरपालिका १ का १६ वर्षीय, वडा ३ तातापानीका २६ वर्षीय, वडा ८ का १७ वर्षीय, वडा ९ लाटीकोइलीका ११ वर्षीय, वडा ४ का ३७ वर्षीय र दैलेख महाबु गाउँपालिका १ का २६ वर्षीय छन् ।

प्रतिकृया दिनुहोस्