News Portal

  • पत्रकार महासंघका कार्यसमिति सदस्यसहित दुई जना पत्रकारमा कोरोना संक्रमण

    डबली संवाददाता२०७७ जेठ ९ गते
    २८४ पटक

    बुटवल । कपिलवस्तुमा पहिलो पटक पत्रकारलाई कोरोना संक्रमण भएको छ । शुक्रबार विहान जिल्लामा दुई जनामा कोरोना संक्रमण भएको पुष्टि भएको हो ।

    स्वास्थ्य तथा जनसंख्या मन्त्रालयले पुष्टि गरेका ९ जनामध्ये दुई जना पत्रकार भएको खुलेको हो । उनीहरु कपिलवस्तु नगरपालिका वडा नं. ३ तौलिहवाका २९ वर्षका र अर्का वाणगंगा नगरपालिका वडा नं. ८ का २४ वर्षका पुरुष हुन् ।

    दुईमध्ये एकजना नेपाल महासंघ कपिलवस्तुका कार्यसमिति सदस्य समेत हुन् । उनी एक अनलाइनका संचालक पनि हुन् । त्यस्तै वाणगंगा नगर२४ वर्षीय पत्रकार बुद्ध आवाज टेलिभिजनमा कार्यरत छन् ।

    पत्रकार महासंघ कपिलवस्तुका अध्यक्ष डिला भुसालका अनुसार दुवै पत्रकारको स्वास्थ्य अवस्था सामान्य रहेको र स्वास्थ्यकर्मी उनीहरूको सम्पर्कमा पुगिसकेका छन् ।

    योसँगै कपिलवस्तुमा कोरोना संक्रमितको संख्या ६९ जना पुगेको छ ।

    • फाइल फोटो
    प्रतिकृया दिनुहोस्