News Portal

  • नेपालमा कोरोनाबाट मृत्यु हुनको संख्या २ पुग्यो, बाँकेका युवाको पनि कोरोनाबाट मृत्यु भएको पुष्टि

    डबली संवाददाता२०७७ जेठ ४ गत 
    २०६ पटक

    काठमाडौं । नेपालमा कोरोनाबाट मृत्यु हुनेको संख्या २ पुगेको छ । स्वास्थ्य तथा जनसंख्या मन्त्रालयका प्रवक्ता डा. विकास देवकोटाका अनुसार बाँकेको एक क्‍वारेन्टाइनमा मृत्यु भएका युवालाई कोरोना संक्रमण भएको पुष्टि भएको छ ।

    बाँकेको नरैनापुरको दीपेन्द्र मावि भोजभगवानपुरको क्वारेन्टाइनमा मृत्यु भएका पुरुषको कोरोना परीक्षणको रिपोर्ट पोजेटिभ आएसँगै मृत्यु हुनेको संख्या २ पुगेको हो ।

    मृतक वैशाख ३० गते भारतबाट नेपाल आएका थिए । क्वारेन्टाइनमा बस्ने क्रममा स्वासप्रश्वासमा समस्या भएको र आइतबार विहान ६ः४० बजे मृत्यु भएको हो ।

    नरैनापुर गाउँपालिकाका स्वास्थ्य संयोजक नागरेन्द्र साहका अनुसार उनी बसेको क्वारेन्टिनमा अरू ३८ जना पनि छन्। मृत्यु हुनुअघि आइतबार बिहान ४ बजेतिर उनले अचानक दुई पटक बान्ता गरेका थिए।

    प्रतिकृया दिनुहोस्