News Portal

  • बुद्धजयन्तीः राष्ट्रपतिदेखि दलका नेताहरुले दिए यस्तो शुभकामना

    डबली संवाददाता२०७७ बैशाख २५ गते
    ३७० पटक

    काठमाडौँ । आज बैशाख २५ गते अर्थात २५६४ औं बुद्धजयन्ती । बुद्धजयन्तीको अबसरमा राष्ट्रपति विद्यादेवि भण्डारी, उपराष्ट्रपति नन्दबहादुर पुन, प्रधानमन्त्री केपी शर्मा ओलीलगायत राजनीतिक दलका नेताहरुले शुभकामना दिएका छन् ।

    वुद्धजयन्तीको शुभकामना दिँदै राष्ट्रपति भण्डारीले बौद्धदर्शनका प्रवत्र्तक तथा शान्तिदूत बुद्धका प्रेरणादायी उपदेश र मार्गदर्शनको परिपालन गर्न सके राष्ट्रिय एकता सुदृढ हुने बताएकी छन् । उनले धार्मिक, सामाजिक तथा सांस्कृतिक विविधताबीच सहिष्णुता र आपसी सद्भाव कायम गर्दै राष्ट्रिय एकतालाई थप सुदृढ एवं सबल बनाउन सकिने विश्वास समेत व्यक्त गरेकी छन् ।

    बुद्धजयन्तीमा विविधताबीच एकताको खोजी गर्दै आपसी मेलमिलापका साथ शान्ति र प्रगतिका पथमा अघि बढ्न सबैलाई उत्साह, उमङ्ग र प्रेरणा प्रदान गर्ने राष्ट्रपतिको शुभकामना सन्देशमा उल्लेख गरिएको छ ।

    उपराष्ट्रपति नन्दबहादुर पुनले पनि बुद्धजयन्ती र उभौली पर्वको शुभकामना व्यक्त गरेका छन् ।

    विश्वभरका मानिस भौतिक र आत्मिक सुख शान्तिको खोजीमा रहेका वर्तमान विश्व सन्दर्भमा गौतम बुद्धबाट व्यक्त शान्ति र अहिंसाका सत्य वचनको महत्व र सान्दर्भिकता झनै बढेर गएको उनको भनाइ छ ।

    प्रधानमन्त्री केपी शर्मा ओली, (नेकपा)का अध्यक्ष प्रचण्ड, नेपाली काँग्रेसका सभापति शेरबहादुर देउवाले बुद्धजयन्ती तथा उभौली पर्वको अबसरमा शुभकामना दिएका छन् ।

    प्रतिकृया दिनुहोस्