News Portal

  • कोरोना संक्रमित ६ भारतीय निको भएपछि डिस्चार्ज, नेपालमा निको हुनेको संख्या २२ पुग्यो 

    डबली संवाददाता२०७७ बैशाख २४ गते
    ३४६ पटक

    काठमाडौँ । कोरोना भाइरस संक्रमित ६ जना भारतीय नागरिक डिस्चार्ज भएका छन् । तीन पटकसम्म गरेको परीक्षणको रिपोर्ट नेगेटिभ आएपछि बुधबार उनीहरुलाई अस्पतालबाट डिस्चार्ज गरिएको हो ।

    कोशी अस्पताल बिदाई कार्यक्रसहित उनीहरुलाई डिस्चार्ज गरिएको छ । तर, पुनः संक्रमण हुन सक्ने भन्दै उनीहरुलाई घर पठाइएको छैन । बिदाई कार्यक्रममा प्रदेश १ का सामाजिक विकास मन्त्री जीवन घिमिरेको उपस्थिति रहेको थियो ।

    अस्पतालका अनुसार उनीहरु सबैलाई विराटनगर –१४ को रानी मर्कजमा राखिनेछ । उदयपुरको त्रियुगा नगरपालिका भुल्केस्थित मस्जिदमा बसेका भारतीय जमातीमध्ये ५ र ६ वैशाखमा १३ जनामा कोरोना संक्रमण पुष्टि भएको थियो ।

    अब नेपालमा कोरोनाबाट निको हुनेको संख्या २२ पुगेको छ ।

    प्रतिकृया दिनुहोस्