काठमाडौँ । पूर्व सूचना तथा संचार प्रविधि मन्त्री गोकुल बास्कोटाले प्रधानमन्त्री केपी शर्मा ओलीलाई हटाउन सक्ने तागत कसैसँग नभएको बताएका छन् । ७० करोड कमिसन काण्डपछि गुमनाम रहेका बास्कोटा (नेकपा)भित्र विवाद चर्किदै जान थालेपछि मिडियामा आएका छन् ।
बास्कोटाले केपी विनाको पार्टीका कल्पना गर्न नसकिने बताउँदै पार्टी अध्यक्ष र प्रधानमन्त्री दुबैबाट हटाउने तागत कसैसँग नभएको बताए । उनले ओलीकै पक्षमा चुनावमा बहुमत आएकोले पाँच वर्षसम्म प्रधानमन्त्री हुने अधिकारी अरुलाई नभएको बताए ।
पूर्वमाओवादी नेताहरुलाई लक्षित गर्दै बास्कोटाले एकता नभएको भए अवस्था के हुने थियो भन्ने कुरा स्थानीय चुनावले बताइसकेको बताए ।
“तपाईँहरुले बाहिर जे भनिराख्नुभएको छ, त्यसमा मलाई रौं जति पनि विश्वास लग्दैन कि केपी ओलीलाई पार्टीबाट हटाउन त्यो तागत कसैसित भएजस्तो लाग्दैन” बास्कोटाले चेतावनी भाषामा भने, “केपी ओलीको सहमति विना ल हटोस् त, कसले हटाउँदो रैछ ।”